ভুৱা চালানেৰে কাৰ্বি আংলঙৰ পৰা শিল সৰহবৰাহ

নগাঁৱত শিলভৰ্তি ট্ৰাক জব্দ ৷ ভুৱা চালানেৰে কাৰ্বি আংলঙৰ পৰা ট্ৰাকে ট্ৰাকে শিল সৰহবৰাহ হোৱাৰ অভিযোগ ৷ নগাঁৱৰ উদমাৰিত বন সুৰক্ষা বাহিনীৰ অভিযান ৷ অভিযানত ভুৱা চালানেৰে শিল কঢ়িয়াই অনা ডাম্পাৰ জব্দ ৷

নগাঁও , 10 অক্টোবৰ: নগাঁৱৰ উদমাৰিত বন সুৰক্ষা বাহিনীৰ অভিযানত জব্দ ভুৱা চালানেৰে শিল কঢ়িয়াই অনা ডাম্পাৰ ৷ অভিযোগ অনুসৰি পাহাৰীয়া জিলা কাৰ্বি আংলঙৰ পৰা ভুৱা চালানেৰে ৰাজ্যৰ ভিন্ন প্ৰান্তলৈ ট্ৰাকেৰে শিল সৰহবৰাহ হয় ৷ এক অসাধু চক্ৰৰ বিৰুদ্ধে একাংশ দুৰ্নীতিগ্ৰস্ত বিষয়াৰ সৈতে মিলামিছা কৰি এই অবৈধ বেহা চলাই নিয়াৰ অভিযোগ ৷ কাৰ্বি আংলং জিলাৰ বৰজুৰি খণ্ড বন বিষয়াৰ পৃষ্ঠপোষকতাতে এই অবৈধ শিলৰ বেহা চলি থকাৰ এক গুৰুতৰ অভিযোগ উত্থাপিত হৈছে ৷

নগাঁৱৰ উদমাৰিত নগাঁও আঞ্চলিক বন সুৰক্ষা বিষয়া শ্বামিম আখতাৰৰ নেতৃত্বত বন বিভাগৰ এটা দলে চলোৱা এক অভিযানত প্ৰকৃতিৰ ওপৰত ধ্বংসলীলা চলাই নিয়াৰ এই ভয়াবহ ছবি উন্মোচিত হৈছে ৷ শ্বামিম আখতাৰৰ নেতৃত্বত চলা এই অভিযানতে ভুৱা চালানেৰে শিল কঢ়িয়াই নিয়া অৱস্থাত নগাঁৱত এএচ 02 CC 0893 নম্বৰৰ এখন ডাম্পাৰ জব্দ কৰে ৷

লগতে পঢ়ক: তিনিচুকীয়াত তেলৰ চোৰাং বেহা অব্যাহত থকাৰ অভিযোগ