নগাঁও, 17 মে’: সোমবাৰে পুৱতি নিশা নগাঁও চহৰৰ হয়বৰগাঁও বাঁহবাৰীত সংঘটিত হয় এক অঘটন । মাছৰ খাদ্যৰ গুদামত সামগ্ৰী লৈ অহা এখন ট্ৰাক পিছুৱাই গুদামৰ ভিতৰত সোমোৱাৰ সময়তেই ট্ৰাকৰ চেপাত মৃত্যু হয় গুদামৰ এজন কৰ্মচাৰীৰ । বুদন যাদৱ নামৰ কৰ্মচাৰীজন শুই থকা অৱস্থাতেই ট্ৰাকৰ চালকজনে পিছুৱাই ট্ৰাকখন গুদামত সোমোৱাৰ চেষ্টা কৰিছিল । যাৰ ফলতেই শুই থকা কৰ্মচাৰীজনৰ ট্ৰাকৰ চেপাত থিতাতে মৃত্যু হয় ।
ইফালে ঘটনা সংঘটিত কৰিয়েই ট্ৰাকচালকজনে ঘটনাস্থলীৰ পৰা পলায়ন কৰে ৷ পৰৱৰ্তী সময়ত ঘটনাস্থলীত নগাঁও আৰক্ষীয়ে AP 16 TJ 3797 নম্বৰৰ ট্ৰাকখন জব্দ কৰাৰ লগতে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ।
