হোজাই, 22 জানুৱাৰী : হোজাই জিলাৰ লংকাত বৃহস্পতিবাৰে নিশা সংঘটিত হয় এক চুৰি কাণ্ড ৷ লংকাৰ ১ নং ৱাৰ্ডৰ ৰাম মন্দিৰত সংঘটিত এই চুৰিকাণ্ডৰ ঘটনা ।
মন্দিৰৰ পূজাৰীজনে সাংবাদিকক জানিবলৈ দিয়া অনুসৰি যোৱা নিশা চুৰে দুৱাৰৰ তলা ভাঙি ৰাম মন্দিৰৰ ভিতৰত প্ৰৱেশ কৰে ৷ মন্দিৰটোৰ পৰা চুৰে লুটি নিয়ে মন্দিৰৰ চাউণ্ড চিষ্টেম সহ কাঁহি-বাতি ৷ চুৰে লুটি নিয়া সম্পদখিনিৰ মূল্য 20 পৰা 25 হাজাৰ টকাৰ হ'ব বুলি জানিবলৈ দিছে পূজাৰীজনে ৷
লংকাৰ ৰাম মন্দিৰৰ পৰা চুৰে লুটিলে হাজাৰ টকাৰ সা-সামগ্ৰী
উল্লেখ্য যে, এই সন্দৰ্ভত মন্দিৰৰ কৰ্তৃপক্ষই লংকা আৰক্ষীৰ থানাত এখন এজাহাৰ দাখিল কৰিছে ৷ উক্ত এজাহাৰৰ ভিত্তিত চুৰি কাণ্ডৰ সন্দৰ্ভ তদন্ত অব্যাহত ৰাখিছে লংকা আৰক্ষীয়ে ৷
লগতে পঢ়ক : ৰাইজৰ দলে উন্মোচন কৰিলে বিজেপিৰ ভুৱা প্ৰতিশ্ৰুতি
