নগাঁও, 21মে' : এগৰাকী সৎ আৰু দক্ষ বিষয়া হিচাপে পৰিচিত হোৱা আই পি এছ বিষয়া আনন্দ মিশ্ৰই নগাঁৱত যোগদান কৰাৰ পিছতেই হাহাকাৰ লাগিছে অপৰাধ জগতত । নগাঁৱত যেন এতিয়া চোৰেও নোপোৱা হৈছে নিস্তাৰ । চুৰি কৰিবলৈ আহি হাতে লোটে ধৰা পৰিছে চোৰ । বৃহস্পতিবাৰে নিশা নগাঁও চহৰৰ হয়বৰগাঁৱত চুৰি কৰি থকা অৱস্থাত আৰক্ষীৰ জালত পৰে তিনিটাকৈ গভাইত চোৰ ।
নগাঁৱৰ আৰক্ষী অধীক্ষক হিচাপে আনন্দ মিশ্ৰই যোগদান কৰাৰ পিছতেই নগাঁও আৰক্ষী এতিয়া ইমানেই সক্ৰিয় হৈছে যে চুৰি কৰা অৱস্থাতেই গৃহস্থই গম নাপালেও চোৰ কৰায়ত্ব কৰিবলৈ সক্ষম নগাঁও আৰক্ষী । বৃহস্পতিবাৰে নিশা হয়বৰগাঁৱৰ এখন ইলেকট্ৰনিকৰ দোকানত চুৰি কৰি থকা অৱস্থাতেই টহলদাৰী আৰক্ষীয়ে আটক কৰিবলৈ সক্ষম হয় গভাইত চোৰ তিনিটা । ধৃত চোৰ তিনিটা হৈছে নগাঁৱৰ শিমলুগুৰিৰ শ্বাহজাহান আলী, আজাহাৰউদ্দিন আৰু লাচিত নগৰৰ বিশাল দে’ । সম্প্ৰতি চোৰ তিনিটাক জেৰা অব্যাহত ৰাখিছে নগাঁও আৰক্ষীয়ে ।
লগতে পঢ়ক: ক’ভিড পৰিস্থিতি সন্দৰ্ভত কি স্থিতি গ্ৰহণ কৰিছে মুখ্যমন্ত্ৰীয়ে?
