নগাঁও,২০জুনঃ বিগত কিছুদিন ধৰি নগাওঁ চহৰত সন্ত্ৰাসৰ সৃষ্টি কৰা চিলনী চোৰৰ দিন বেয়া আছিল বৃহস্পতিবাৰে। মোবাইল চুৰিৰ চেষ্টা কৰি লটি ঘটি হল দুই চিলনী চোৰৰ। নগাওঁ টাউন আৰক্ষীক একপ্ৰকাৰ প্ৰত্যাহ্বান জনাই চিলনী চোৰে কেইবাজনো লোকৰ পৰা লুটি নিছিল ধন, সোণ। বৃহস্পতিবাৰে নগাওঁ চহৰৰ খ্ৰীষ্টিয়ানপট্টিত ৰখাই থোৱা এখন ই ৰিক্সাৰ পৰা মোবাইল চুৰিৰ চেষ্টা চলাইছিল দুই চিলনী চোৰে। কিন্তু তেনে সময়তে ই-ৰিক্সাৰ চালকে স্থানীয় লোকৰ সহযোগত কৌশলেৰে আটক কৰে চিলনী চোৰ দুটাক। ৰাইজে আটক কৰি উত্তম মাধ্যম সোধায় চোৰ দুটাক। কাণত ধৰাই আঁঠু কঢ়াই চোৰ দুটাক অৱশেষত গতাই দিয়ে নগাওঁ সদৰ আৰক্ষীক । অৱশ্যে এতিয়ালৈকে জানিব পৰা হোৱা নাই চোৰ দুটাৰ পৰিচয় ।
নগাঁৱত চিলনী চোৰৰ বিলৈ
