নগাঁও, ১ জুন: নগাঁও জিলাৰ মৰিকলঙত ৰাইজে কৰায়ত্ত কৰিলে এটা গভাইত চোৰ । বৃহৎ পৰিমাণৰ চুৰি সামগ্ৰীসহ একাংশ লোকে পুৱাই চোৰটোক কৰায়ত্ত কৰিবলৈ সক্ষম হয় । পাঁচজনকৈ লোকে নগাঁও ৰে’ল ষ্টেচনৰ সমীপৰ টেম্প’ আস্থানত হাতত বেগ লৈ ৰৈ থকা অৱস্থাত স্থানীয় লোকে প্ৰত্যক্ষ কৰি সন্দেহ ওপজে ।
বৃহৎ চুৰি সামগ্ৰীসহ নগাঁৱত আটক চোৰ
পাঁচজনীয়া দলটোক পিছত সোধাপোচা কৰিবলৈ লওঁতেই সকলো সামগ্ৰী পেলাই দৌৰি পলাবলৈ চেষ্টা কৰে । স্থানীয় লোকসকলেও পিছে পিছে দৌৰি ডিমৰুগুৰিৰ পৰা পাঁচজনীয়া দলটোৰ এজনক আটক কৰিবলৈ সক্ষম হয় ।
ধৃত চোৰটোৰ পৰা সোণৰ অলংকাৰসহ বৃহৎ পৰিমাণৰ চুৰি সামগ্ৰী উদ্ধাৰ কৰিবলৈ সক্ষম হয় । উদ্ধাৰ কৰা চুৰি সামগ্ৰীৰ ভিতৰত সোণৰ আ-অলংকাৰ, লেপটপ আৰু বিভিন্ন ধৰণৰ মূল্যৱান সামগ্ৰীও আছিল । পিছত আৰক্ষীক গতাই দিয়া হয় চোৰটোক ।
লগতে পঢ়ক:চৰাইদেউ কাণ্ডৰ দুই অভিযুক্তক আটক আৰক্ষীৰ
