নগাঁও, 7 জানুৱাৰী: কামপুৰত বৃহস্পতিবাৰে দিন দুপৰতে ঘৰৰ খিৰিকিৰ ৰ'ড কাটি চোৰে নগদ ধন লৈ উধাও হোৱাৰ এক চাঞ্চল্যকৰ ঘটনা সংঘটিত হৈছে ৷ বৃহস্পতিবাৰে কামপুৰৰ পাৰলিগুৰিৰ বিনোদ বৰা নামৰ ব্যক্তি গৰাকীৰ ঘৰত কোনো নথকাৰ সুযোগ গ্ৰহণ কৰি চোৰে অন্যান্য সামগ্ৰীৰ লগতে নগদ 75 হাজাৰ টকা লৈ উধাও হয় ৷
ঘটনা সন্দৰ্ভত কামপুৰ থানাত এজাহাৰ দাখিল
জানিব পৰা মতে ঘৰত কোনো নথকাৰ সুযোগ গ্ৰহণ কৰি চোৰে খিৰিকিৰ ৰ'ড কাটি বিনোদ বৰাৰ ঘৰত প্ৰৱেশ কৰে আৰু গডৰেজৰ তলা ভাঙি নগদ ধন সহ মূল্যবান সা-সামগ্ৰী লুটি নিয়ে ৷
ঘৰৰ গৃহস্থই জানিবলৈ দিয়া মতে নগদ ধনৰ লগতে সোণৰ আ-অলংকাৰ ইত্যাদি আছিল যদিও চোৰে আ-অলংকাৰ সমূহ এৰি কেৱল নগদ ধন খিনি লৈ উধাও হয় ৷ ঘটনা সন্দৰ্ভত ঘৰৰ গৰাকী বিনোদ বৰাই কামপুৰ আৰক্ষী থানাত এক গোচৰ ৰুজু কৰাৰ পাছতে আৰক্ষীয়ে তদন্ত আৰম্ভ কৰিছে ৷
