কলিয়াবৰ,5 অক্টোবৰ: কলিয়াবৰৰ ঐতিহাসিক হাতীমূৰা দুৰ্গা মন্দিৰৰ পাদদেশৰ লুইতৰ পাৰত দেওবৰীয়া নিশা অতিবাহিত কৰে মেলং দ্যা চিবুকৰ নেতৃত্ব প্ৰদানকাৰী যুৱক তিনিগৰাকীয়ে ৷ উল্লেখ্য যে,এক ব্যতিক্ৰমী পদক্ষেপেৰ ৰিছান দলেৰ নেতৃত্বত মেলেং দ্যা চিবুক নামৰ বাঁহৰ ভূৰখনেৰে ব্ৰহ্মপুত্ৰত দুঃসাহসিক অভিযান আৰম্ভ কৰিছে তিনি যুৱকে ৷ সৰ্ববৃহৎ নদীদ্বীপ মাজুলীৰ পৰা আৰম্ভ হোৱা এই যাত্ৰাৰ অন্ত পৰিব ক্ষুদ্ৰতম নদীদ্বীপ উমানন্দত ৷
তিনি যুৱকৰ ব্যতিক্ৰমী অভিযান
প্ৰকৃতি সংৰক্ষণ, বহনক্ষম পৰ্যটন আৰু দুঃসাহসিক ক্ৰীড়াৰ প্ৰতি আকৰ্ষিত আৰু সজাগ কৰাৰ উদ্দেশ্যে আৰম্ভ কৰা মেলেং যাত্ৰাৰ আজি ষষ্ঠ দিন ৷ মাজুলীৰ কাৰ্তিক চাপৰিৰ পৰা বাঁহৰে নিৰ্মিত মেলেং দ্যা চিবুকৰ যাত্ৰীসকল হৈছে ক্ৰমে ৰিছান দলে, শেখৰ বৰদলৈ আৰু নয়ন বৰদলৈ ৷
