ৰহাত কিশোৰীৰ মৃতদেহ উদ্ধাৰঃ ধৰ্ষণ কৰি হত্যাৰ সন্দেহ

মৃত কিশোৰীগৰাকীৰ পৰিয়ালৰ লোকে জনোৱা অনুসৰি শনিবাৰে পুৱা স্থানীয় খলিলুদ্দিন নামৰ যুৱকজনে ফোনযোগে কিশোৰীগৰাকীক ঘৰৰ পৰা মাতি নিয়াৰ পাচতে সন্ধানহীন হৈ আছিল কিশোৰীগৰাকী ৷ কিন্তু বুধবাৰে পথাৰৰ মাজৰ জুপুৰি এটাত প্ৰায় উলংগ অৱস্থাত উদ্ধাৰ হয় কিশোৰীগৰাকীৰ মৃতদেহ ৷

ৰহা , 15 মে': ৰহাৰ চাপৰমুখ বৰুৱাবালিত পথাৰৰ মাজত এগৰাকী কিশোৰীৰ মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে ৷ পথাৰৰ মাজত বৰো ধানৰ খেতিৰ এটা অস্থায়ী জুপুৰিত 13 বছৰীয়া কিশোৰীগৰাকীৰ উলংগ মৃতদেহ উদ্ধাৰ হয় ৷

স্থানীয় ৰাইজৰ সন্দেহ অনুসৰি 13 বছৰীয়া কিশোৰীগৰাকীক খলিল উদ্দিন নামৰ এজন যুৱকে ধৰ্ষণ কৰি হত্যা কৰে ৷ মৃত কিশোৰীগৰাকীৰ পৰিয়ালৰ লোকে জনোৱা অনুসৰি শনিবাৰে পুৱা স্থানীয় খলিলুদ্দিন নামৰ যুৱকজনে ফোনযোগে কিশোৰীগৰাকীক ঘৰৰ পৰা মাতি নিয়াৰ পাচতে সন্ধানহীন হৈ আছিল কিশোৰীগৰাকী ৷ কিন্তু বুধবাৰে পথাৰৰ মাজৰ জুপুৰি এটাত প্ৰায় উলংগ অৱস্থাত উদ্ধাৰ হয় কিশোৰীগৰাকীৰ মৃতদেহ ৷ পৰৱৰ্তী সময়ত ঘটনাস্থলীত আৰক্ষী উপস্থিত সমগ্ৰ ঘটনাৰ তদন্ত আৰম্ভ কৰে ৷