নগাঁও,12 নৱেম্বৰ: ধিঙৰ সমাজ কল্যাণ বিভাগৰ কাৰ্যালয়ত হঠাতে বৃহস্পতিবাৰে দিনৰ ভাগত আহি উপস্থিত হয় বিভাগীয় মন্ত্ৰী প্ৰমীলাৰাণী ব্ৰহ্ম ৷ কাৰ্যালয়টোত বিশেষভাৱে সক্ষম লোকৰ বাবে চৰকাৰে আগবঢ়োৱা হুইল চেয়াৰ, ষ্টিক, চাইকেল, শ্ৰবণ যন্ত্ৰকে ধৰি বিভিন্ন মূল্যবান সামগ্ৰীসমূহ দীৰ্ঘদিনে পৰিত্যক্ত অৱস্থাত থকাৰ বাতৰি কিছুদিন পূৰ্বে সংবাদ মাধ্যমত প্ৰচাৰিত হৈছিল ৷ সমাজত এনে বহু বিশেষভাৱে সক্ষম ব্যক্তি আছে, যিসকলে আৰ্থিক অভাৱত এইসমূহ যন্ত্ৰ কিনিবলৈ সক্ষম নহয় ৷ কোটি কোটি টকাৰ এই সামগ্ৰীসমুহ সমাজ কল্যাণ বিভাগৰ কাৰ্যালয়তে সম্প্ৰতি জহি-খহি গৈছে ৷ এই বাতৰি সম্প্ৰচাৰ হোৱাৰ পাছত বৃহস্পতিবাৰে আকস্মিকভাৱে কাৰ্যালয়টো পৰিদৰ্শন কৰে বিভাগীয় মন্ত্ৰী প্ৰমীলাৰাণী ব্ৰহ্ময়ে ৷ মন্ত্ৰীগৰাকীয়ে বিভাগীয় বিষয়-ববীয়াৰ লগত এই সন্দৰ্ভত এক আলোচনাত মিলিত হয় ৷
আনহাতে মন্ত্ৰী অহাৰ উমান পাই দীৰ্ঘদিনে লতাই আগুৰি থকা, ৰ’দ-বৰষুণত নষ্ট হোৱা এই সামগ্ৰীসমূহ ট্ৰিপালেৰে ঢাকি ন-ৰূপত সজোৱাৰ চেষ্টা চলাই বিভাগীয় কৰ্মচাৰীসকলে ৷ লগতে মন্ত্ৰীগৰাকীয়ে কাৰ্যালয়টোত দীৰ্ঘদিনে পৰি থকা এই সামগ্ৰীখিনি সমাজ কল্যাণ বিভাগৰ নহয় বুলি কোৱাৰ লগতে সামগ্ৰীখিনি ALEMCO নামৰ বে-চৰকাৰী সংস্থাটোৰ বুলিহে অভিযোগ তোলে ৷ লগতে ALEMCO ক ব্লেক লিস্তেদ কৰিব বুলিও প্ৰকাশ কৰে মন্ত্ৰীগৰাকীয়ে ৷
লগতে চাওকঃ সৰ্বা-হিমন্তই ৰাজনৈতিক পথাৰত সাম্প্ৰদায়িক প্ৰচাৰ চলাইছেঃ মনোৰঞ্জন তালুকদাৰ
