নগাঁও, 29 মে’ : ‘‘মোক গাঁত খান্দি পুতি থওক ৷ নকওঁ মই একো কথা ৷ মোৰ ওপৰত একো গোচৰ নাই ৷ মাজুলীৰ গোচৰৰ সম্বন্ধে তদন্তৰ পাচতহে সকলো গম পাব’’ ৷ দেওবাৰে নগাঁও সদৰ আৰক্ষী থানাত উপস্থিত হৈ এই মন্তব্য কৰে এছ আই জোনমণি ৰাভাই (SI Joonmoni Rabha controversy) ৷
উল্লেখ্য যে, দেওবাৰে সাধাৰণ পোচাকত নগাঁও সদৰ আৰক্ষী থানাত উপস্থিত হয় এছ আই জোনমণি ৰাভা (SI Joonmoni Rabha at Nagaon police station) । কিন্তু সংবাদ মাধ্যমৰ কেমেৰা দেখি সেই স্থানৰ পৰা পলায়ন কৰে এছ আই জোনমণি ৰাভাই । নিজৰ হ’বলগীয়া স্বামী ৰাণা পগাগক গ্ৰেপ্তাৰ কৰাৰ পিছতেই পোহৰলৈ আহিছিল ৰাণা পগাগৰ সৈতে জোনমণি ৰাভাও প্ৰৱঞ্চনাত জড়িত থকাৰ ন ন তথ্য ।
নগাঁৱত কৰ্মৰত আৰক্ষী উপ-পৰিদৰ্শক জোনমণি ৰাভাৰ বিৰুদ্ধে মাজুলী আৰক্ষী থানাত ৰুজু কৰা হৈছিল গোচৰ ৷
তাৰ পাছৰ পৰাই ছুটিত আছে বিতৰ্কিত আৰক্ষী বিষয়াগৰাকী । কিন্তু দেওবাৰে হঠাৎ সাধাৰণ পোছাকত উপস্থিত হয় এছ আই জোনমণি ৰাভা । অৱশ্যে ই টি ভি ভাৰতৰ কেমেৰা দেখিয়েই আৰক্ষী থানাৰ পৰা পলায়ন কৰে আৰক্ষী বিষয়া জোনমণি ৰাভাই ।
লগতে পঢ়ক : এছ আই জোনমণি ৰাভাৰ বিৰুদ্ধে মুখ খুলিলে মাজুলীৰ এগৰাকী মহিলাই
