চামগুৰি আৰক্ষীৰ জালত অবৈধ সুৰা ভৰ্তি ট্ৰাক

ৰাজ্যত অব্যাহত আছে অৰুণাচলীৰ সুৰাৰ অবাধ বেহা ৷ পুনৰ চামগুৰি আৰক্ষীয়ে জব্দ কৰিলে 1,199 কাৰ্টুন সহ এখন অবৈধ সুৰা ভৰ্তি ট্ৰাক ৷

চামগুৰি, 6 ডিচেম্বৰঃ চামগুৰিৰ আমনিত আৰক্ষীৰ অভিযানত শনিবাৰে নিশা জব্দ হয় এখন অবৈধ সুৰা ভৰ্তি ট্ৰাক ৷ আৰক্ষীৰে জানিবলৈ দিয়া অনুসৰি অৰুণাচলৰ নাহৰলগুনৰ পৰা ডিমাপুৰ অভিমূখে আহি আছিল এইএছ 01এই চি 8991 নম্বৰৰ সুৰা ভৰ্তি এই ট্ৰাকখন ৷ লগতে আৰক্ষীয়ে আটক কৰে ট্ৰাকখনৰ ডাইভাৰজনক ধৰি তিনিজনকৈ লোকক ৷

ইফালে, আৰক্ষীয়ে সদৰি কৰা অনুসৰি, ট্ৰাখনৰ পৰা 1,199 কাৰ্টুন সুৰা জব্দ কৰে ৷ জব্দ কৰা সুৰাখিনিৰ মূল্য প্ৰায় দহ লক্ষাধিক টকাৰ বুলি ঠাৱৰ কৰিছে আৰক্ষীয়ে । সমান্তৰালভাৱে অধিক তথ্যৰ সন্ধানত তদন্ত অব্যাহত ৰাখিছে চামগুৰি আৰক্ষীয়ে ৷

লগতে পঢ়কঃবৰপেটাত লটাৰীৰ টিকটসহ আটক দুই ব্যৱসায়ী