নগাঁও,১৬ জানুৱাৰী: কৰ'ণাসৃষ্ট পৰিৱেশৰ মাজতে ৰাজ্যজুৰি পালন কৰা হ'ল ভোগালী বিহু । ইয়াৰ লগত সংগতি ৰাখি নগাঁৱৰ বিধায়ক ৰূপক শৰ্মাই শনিবাৰে তেওঁৰ বাসগৃহত সাংবাদিকৰ সৈতে অন্তৰংগ আলাপ আলোচনা কৰে । শনিবাৰে সাংবাদিকৰ সৈতে মত বিনিময় অনুষ্ঠানত সাংবাদিকসকলে উত্থাপন কৰা নগাঁও চহৰৰ যান-জঁটকে ধৰি কেইবাটাও সমস্যা সমাধানৰ বাবে আশ্বাস দিয়ে বিধায়কগৰাকীয়ে ।
নগাঁও সদৰ সমষ্টিত বিগত প্ৰায় পাঁচটা বছৰে বিধায়ক ৰূপক শৰ্মাই কৰা উল্লেখনীয় কামৰ বিষয়ে সাংবাদিকসকলক অৱগত কৰে । লগতে হাঁহিলা বিলক পৰ্যটকৰ কেন্দ্ৰস্থল হিচাপে গঢ় দিয়াৰ কথাও উল্লেখ কৰে ৰূপক শৰ্মাই । বিধায়কগৰাকীৰ প্ৰতিটো কামৰ ওপৰত দৃষ্টি ৰাখিবলৈ উপস্থিত সাংবাদিকসকলক আহ্বান জনায় ৰূপক শৰ্মাই । নতুন বছৰ আৰু ভোগালী বিহু উপলক্ষে নগাঁৱৰ সাংবাদিকসকলক সম্বৰ্ধনা জ্ঞাপন কৰে বিধায়ক ৰূপক শৰ্মাই ।
লগতে পঢ়ক: কলিয়াবৰত বিজ্ঞান কেন্দ্ৰ আৰু তাৰকাগৃহৰ আধাৰশিলা স্থাপনৰ প্ৰস্তুতি
