নগাঁৱৰ কেন্দুগুৰিত পিষ্টল দেখুৱাই নগদ ধন কাঢ়ি নিলে দুৰ্বৃত্তই

আৰোহন ফাইনেঞ্চিয়েল ছাৰ্ভিছ নামৰ মাইক্ৰ ফাইনেন্সৰ এগৰাকী কৰ্মচাৰীয়ে ঋণৰ ধন সংগ্ৰহ কৰি নগাঁও চহৰ অভিমুখে গৈ থকা অৱস্থাতে চাৰিজনীয়া এটা দুৰ্বৃত্তৰ দলে মাৰণাস্ত্ৰ দেখুৱাই ধন লুট কৰি নিয়ে ৷ আনহাতে আন এগৰাকী লোকৰ পৰাও ধন লুটি নিয়ে দুৰ্বৃত্তৰ দলটোৱে ৷

চামগুৰি, 20 অক্টোবৰ: নগাঁৱৰ কেন্দুগুৰিত দুৰ্বৃত্তৰ দলে পিষ্টল দেখুৱাই লুটি নিলে ধন ৷ নগাঁও-জুৰীয়া পথত দুৰ্বৃত্তৰ দলটোৱে দুগৰাকীকৈ লোকৰ পৰা কাঢ়ি লৈ গ'ল নগদ ধন থকা বেগ ৷ আৰোহন ফাইনেঞ্চিয়েল ছাৰ্ভিছ নামৰ মাইক্ৰ ফাইনেন্সৰ এগৰাকী কৰ্মচাৰীয়ে দগাঁও কান্দলিমাৰীৰ পৰা ঋণৰ ধন সংগ্ৰহ কৰি নগাঁও চহৰ অভিমুখে বাইকেৰে গৈ থকা অৱস্থাত সংঘটিত হয় এই ঘটনা ৷ দুখন বাইকত অহা চাৰিজনীয়া এটা দুৰ্বৃত্তৰ দলে পিষ্টল দেখুৱাই প্ৰায় 60 হাজাৰ টকা লুট নিলে লোকগৰাকীৰ পৰা ৷

আনহাতে লোকগৰাকীৰ পৰা ধন লুট কৰি থকাৰ সময়তে বাইকেৰে গৈ থকা আন এজন লোকে পৰিস্থিতিৰ বুজ ল'বলৈ যোৱাত, তেওঁৰ পৰাও দুৰ্বত্তৰ দলটোৱে মাৰণাস্ত্ৰ দেখুৱাই ধনৰ লগতে ভিন্ন নথি-পত্ৰ থকা বেগ এটা কাঢ়ি লৈ যায় ৷

লগতে পঢ়ক: দলগাঁৱত ড্ৰাগছসহ আটক এজন লোক