নগাঁও, 5 চেপ্তেম্বৰঃ নগাঁৱত দিন দুপৰতে সংঘটিত হ'ল ডকাইতিৰ ঘটনা । নগাঁৱৰ মধ্য শিয়ালমাৰীত বন্ধন বেংকৰ কৰ্মচাৰীৰ পৰা ডকাইতৰ দলে লুটি নিলে নগদ ধন । ৰিংকু শইকীয়া নামৰ বন্ধন বেংকৰ কৰ্মচাৰীজনে বেংকৰ ধন সংগ্ৰহ কৰি গৈ থকা সময়ত তিনিজনীয়া ডকাইতৰ দল এটাই পিষ্টল দেখুৱাই ভাবুকি দি লুট কৰি নিয়ে ১ লাখ ২০ হাজাৰ টকা ৷ উল্লেখ্য যে, চোকা অস্ত্ৰৰ আক্ৰমণৰ ফলত সামান্য পৰিমানে আঘাতপ্ৰাপ্তও হয় কৰ্মচাৰীজন ৷ দিন দুপৰতে ৰাজপথৰ পৰা লুট কৰি ডকাইতৰ দল উধাও হোৱা ঘটনাই ব্যাপক চাঞ্চল্যৰ সৃষ্টি কৰিছে নগাঁৱত ।
নগাঁৱৰ ৰাজপথত দিন ডকাইতি
