কলিয়াবৰ, 21 এপ্ৰিল : কলিয়াবৰৰ বুঢ়াপাহাৰ সমীপৰ ৩৭ নং ৰাষ্ট্ৰীয় ঘাইপথত মঙলবাৰে নিশা সংঘটিত হয় এটা ভয়ংকৰ পথ দুৰ্ঘটনা ৷ দুখন মটৰ চাইকেলৰ মাজত হোৱা সংঘৰ্ষৰ ফলত সংঘটিত হোৱা দুৰ্ঘটনাটোত থিতাতে নিহত হয় এজন লোক ৷ নিহত লোকজন গোলাঘাট বনগাঁৱৰ জ্ঞানদ্বীপ বৰা । আনহাতে, এই ঘটনাত আহত হোৱা লোক দুজন ক্ৰমে যোৰহাটৰ চন্দন নগৰৰ পাপ্লু কলিতা (২১) আৰু ডিফুৰ বিকাশ সোণাৰ (২১) বুলি জানিব পৰা গৈছে ।
আহত লোক কেইজনক তাৎক্ষণিকভাৱে জখলাবন্ধা হাস্পতালত ভৰ্তি কৰোৱা হয় । উল্লেখ্য যে, দুৰ্ঘটনাত পতিত হোৱা বাইক দুখনৰ নম্বৰ ক্ৰমে AS-03W-2098 আৰু AS-03R-9103 ৷ দুয়োখন বাইক যোৰহাটৰ দিশে গৈ আছিল বুলি জানিবলৈ দিছে জখলাবন্ধা আৰক্ষীয়ে ৷
লগতে পঢ়ক: বৰপেটা অসামৰিক চিকিৎসালয়ত ৯ গৰাকী ক’ভিড ৰোগী চিনাক্ত
