যোৰহাট,13 মাৰ্চ: শনিবাৰে জখলাবন্ধা আৰক্ষী নিৱেশৰ অন্তৰ্গত হস্পিতাল চাৰিআলিত নিশা প্ৰায় 9 বজাত এক ভয়ংকৰ পথ দুৰ্ঘটনা সংঘটিত হয় ৷ এই পথ দুৰ্ঘটনাত তিনিজন যুৱক থিতাতে নিহত হয় ।
যোৰহাট অভিমুখী অহা এ এছ 03 এছ 3186 নম্বৰৰ এখন ট্ৰাকৰ সৈতে এ এছ 02 টি 9305 নম্বৰৰ এনফিল্ড বুলেটৰ মুখামুখি সংঘৰ্ষ হোৱাত তিনি যুৱক থিতাতে নিহত হয় ।
উল্লেখ্য যে, দুৰ্ঘটনাটোত প্ৰাণ হেৰুওৱা তিনি যুৱকক ইতিমধ্যে চিনাক্ত কৰা হৈছে ৷ একেখন মটৰ চাইকেলত উঠি আহি প্ৰাণ হেৰুওৱা যুৱক তিনিজন হৈছে ক্ৰমে দুলাল মাধৱ গাঁৱৰ ৰিকু শইকীয়া, কুঁৱৰীটোলৰ ধূৰ্জটি ভূঞা আৰু ২১ বছৰীয়া লালন প্ৰসাদ ৰবিদাস ।
উল্লেখ্য যে, নিহত তিনিওজন যুৱক কলিয়াবৰ মহাবিদ্যালয়ৰ ছাত্ৰ । প্ৰত্যক্ষদৰ্শীৰ মতে, দ্ৰুত বেগত গাড়ী চলাই অহাই কাল হ'ল তিনিও যুৱকৰ ।
লগতে পঢ়ক: শিৱসাগৰত স্মৃতি ইৰাণীৰ নিৰ্বাচনী প্ৰচাৰ
