নগাঁও,11 মে': নগাঁও চহৰৰ খুটিকটিয়াস্থিত বাজাজ ডিলাৰৰ পৰা এজন ৰাজমিস্ত্ৰীয়ে লুটি নিয়ে ১৪ লাখৰো অধিক নগদ ধন । ডিলাৰতে কাম কৰি থকা ৰাজমিস্ত্ৰীয়ে ডিলাৰ বন্ধ কৰাৰ পিছতে ভিতৰত প্ৰৱেশ কৰি সংঘটিত কৰে এই ঘটনা । এই ঘটনা সংঘটিত হয় শনিবাৰে । দেওবাৰে দোকান বন্ধ থকাৰ বাবে সোমবাৰে চুৰি সন্দৰ্ভত জ্ঞাত হয় ডিলাৰ কৰ্তৃপক্ষ । চিচিটিভি কেমেৰাত বন্দী হয় সমগ্ৰ চুৰি কাৰ্যৰ দৃশ্য ।
চুৰি হোৱা সমগ্ৰ ঘটনা সন্দৰ্ভত সোমবাৰে হয়বৰগাঁও আৰক্ষী চকীত ডিলাৰ কৰ্তৃপক্ষই এজাহাৰ দিয়াৰ লগতে চিচিটিভি কেমেৰাৰ ফুটেজ দাখিল কৰে । উক্ত ফুটেজৰ ভিত্তিতে হয়বৰগাঁও আৰক্ষীয়ে দলনিজুৰীয়াৰ পৰা ইক্রামূল ইছলাম নামৰ চোৰটোক আটক কৰিবলৈ সক্ষম হয় । ধৃত চোৰটোৰ পৰা আৰক্ষীয়ে চুৰি হোৱা নগদ ৯ লাখ ৫০ হাজাৰ টকা উদ্ধাৰ কৰিবলৈ সক্ষম হয় । অধিক তথ্যৰ বাবে আৰক্ষীয়ে ধৃত চোৰটোক অব্যাহত ৰাখিছে জেৰা ৷
লগতে পঢ়ক : ডিআৰডিঅ’ৰ দ্বাৰা বিকশিত এন্টি-ক’ভিড ঔষধৰ আঁৰৰ ব্যক্তিজনৰ কথাৰে...
