ৰহা,17মেঃ নগাঁও জিলাৰ ৰহাৰ চাপৰমুখ ৰে'ল ষ্টেচনত উপস্থিত কইম্বাটুৰ-ডিব্ৰুগড় শ্ৰমিকৰ বিশেষ ৰে'ল । দেওবাৰে পুৱা ৫.৩০ বজাত চাপৰমুখ ষ্টেচনত উপস্থিত হয় এই বিশেষ ৰে'লখন ৷ নগাওঁ, মৰিগাওঁ, হোজাই, পশ্চিম কাৰ্বি আংলং আদি জিলাৰ মুঠ ২২৩ জন যাত্ৰী নামে ৰে'লখনৰ পৰা।
চাপৰমুখত উপস্থিত বহিঃৰাজ্যত আবদ্ধ ২২৩ জন যাত্ৰী
ইয়াৰে নগাৱঁৰ ১৭৩ জন, মৰিগাৱঁৰ ৮জন, হোজাইৰ ২৫জন, পশ্চিম কাৰ্বি আংলঙৰ ২জন আৰু কাৰ্বি আংলঙৰ ১৫জন যাত্ৰী আছে বুলি জানিব পৰা গৈছে । জিলা প্ৰশাসনে ষ্টেচনতে স্কেনিং কৰাৰ পিছত সকলোকে নিজ নিজ জিলাৰ কোৱাৰেণ্টাইন কেম্পলৈ প্ৰেৰণ কৰা হয় । অৱশ্যে যাত্ৰীসকল বৰ্তমানলৈ সুস্থ হৈ আছে বুলি নগাঁও জিলাৰ অতিৰিক্ত উপায়ুক্ত লাচিত দাসে জানিবলৈ দিয়ে ৷
লগতে পঢ়কঃ দিল্লীত কৰ'ণাত আক্ৰান্ত 8 জন অসমীয়া জোৱান সম্প্ৰতি সুস্থ
