কলিয়াবৰ, 22 জুলাই : কলিয়াবৰত এক অভিনৱ প্ৰতিবাদ ৷ বৃহস্পতিবাৰে ভাওনা প্ৰদৰ্শনেৰে বাগৰিত কৰা হ’ল কাজিৰঙাৰ এনিমেল কৰিড’ৰৰ বিৰুদ্ধে প্ৰতিবাদ (Protest against Animal Corridor in Kaziranga)৷ কিয়নো কাজিৰঙা ৰাষ্ট্ৰীয় উদ্যানৰ কাষতে লাগি আছে কলিয়াবৰৰ বাগৰি গাঁও ৷
কাজিৰঙা ৰাষ্ট্ৰীয় উদ্যানৰ কাষতে লাগি থকা হেতুকে এনিমেল কৰিড’ৰ নিৰ্মাণক লৈ বাগৰিৰ লগতে কেইবাখনো গাঁৱৰ ৰাইজ শংকিত হৈ পৰিছে ৷ এনিমেল কৰিড’ৰ নিৰ্মাণ হ’লে গাঁওবাসীয়ে হয়তু সেই স্থানৰ পৰা স্থানান্তৰ হ’ব লাগিব ৷ কিয়নো সেই স্থানেৰে মানুহৰ বিপৰীতে অসংখ্য জীৱ-জন্তুৱে আহ-যাহ কৰিব ৷
সেয়ে এই সন্দৰ্ভত কাজিৰঙাৰ দাঁতি কাষৰীয়া অঞ্চলৰ লোকে চৰকাৰ তথা বিভাগীয় মুৰব্বীক বহুবাৰ আৱেদন-নিবেদন কৰাৰ লগতে প্ৰতিবাদো কৰিছিল ৷ কিন্তু এই প্ৰতিবাদৰ পাচতো কোনো সদোত্তৰ নাপালে ৰাইজে ৷ সেয়ে উপায়ন্তৰ হৈ এতিয়া নেদেখাজনৰ ওচৰত শৰণাপন্ন হৈছে কলিয়াবৰৰ বাগৰিৰ ৰাইজ (Prayer to God against construction of animal corridor)৷
এক অভিনৱ প্ৰতিবাদৰ অংশ হিচাপে কাজিৰঙাৰ এনিমেল কৰিড’ৰৰ বিৰোধীতা কৰি বৃহস্পতিবাৰে বাগৰি আৰু হাৰমতীৰ অঞ্চলবাসী ৰাইজে বাগৰি নামঘৰত বৰসবাহৰ লগতে আয়োজন কৰে এখনি ভাওনাৰ (Bhaona in Kaliabor)৷ এই বৰসবাহ বা ভাওনা আয়োজনৰ দ্বাৰা ৰাইজৰ সমস্যা তথা মনোকামনা কি ধৰণে সমাধান হয় সেয়া পৰৱৰ্তী সময়ত লক্ষণীয় হ’ব ।
লগতে পঢ়ক : CBSE Result: চিবিএছই দশম শ্ৰেণীৰ ফলাফল ঘোষণা
