নগাওঁ, 30 ছেপ্টেম্বৰঃ নগাওঁ জিলা সমাজ কল্যাণ বিভাগ আৰু জিলা প্ৰশাসনৰ উদ্যোগত আয়োজন কৰা হয় ৰাষ্ট্ৰীয় পোষণ মাহ ৷ উক্ত অনুষ্ঠানত উপস্থিত থাকে সমাজ কল্যান বিভাগৰ মন্ত্ৰী প্ৰমিলা ৰাণী ব্ৰহ্ম ৷ ঘৰে ঘৰে পুষ্টিকৰ খাদ্যৰ প্ৰচাৰ কৰিব লাগিব অংগনবাদী কৰ্মী সহায়িকাই। নগাঁৱত এই মন্তব্য প্ৰমিলা ৰাণী ব্ৰহ্মৰ ৷
মন্ত্ৰীগৰাকীয়ে পুষ্টিকৰ খাদ্য সন্দৰ্ভত চাহ বাগিচা আৰু চৰ অঞ্চলত বিশেষ গুৰুত্ব দিয়াৰ সমান্তৰালকৈ নগৰ অঞ্চলতো এই প্ৰচাৰ চলোৱাৰ কথা উল্লেখ কৰে ৷ পুষ্টিকৰ খাদ্যভ্যাসে প্ৰসূতি আৰু নৱজাতকৰ মৃত্যুৰ সংখ্যা হ্ৰাস কৰিব বুলিও মন্তব্য কৰে মন্ত্ৰীগৰাকীয়ে ৷
উল্লেখযোগ্য যে, এই প্ৰচাৰৰ বাবে কেন্দ্ৰীয় মন্ত্ৰী স্মৃতি ইৰাণীয়ে প্ৰেৰণ কৰা পত্ৰ সকলো বিষয়া কৰ্মচাৰীলৈ প্ৰেৰণ কৰাৰ কথা জানিবলৈ দিয়ে মন্ত্ৰী প্ৰমিলাৰাণী ব্ৰহ্মই ৷ নগাঁৱত অনুষ্ঠিত হোৱা পোষণ মাহৰ পুৰস্কাৰ বিতৰণ অনুষ্ঠানত জিলা উপায়ুক্ত যাদৱ শইকীয়াও উপস্থিত থাকে ৷
