নগাঁও, 20 মাৰ্চ: লোকসভা নিৰ্বাচনৰ পূৰ্বে এইবাৰ নগাঁৱত প্ৰদ্যুৎ বৰদলৈয়ে আয়োজন কৰে এক সংবাদ মেল ৷ বুধবাৰে নগাওঁ ৰাজীৱ ভৱনত আয়োজন কৰা সংবাদ মেলত বৰদলৈয়ে মন্তব্য কৰে যে, সংসদীয় সমষ্টিটো কংগ্ৰেছৰ দখলত আনিবলৈকে মাৰ্ঘেৰিটাৰ পৰা আহি নগাওঁ লোকসভা সমষ্টিৰ পৰা প্ৰাৰ্থীত্ব গ্ৰহন কৰিছে ৷ বিজেপিৰ দখললৈ সমষ্টিটো আনিবলৈ তেওঁ সংবাদ কৰ্মীৰ পৰাও আশীৰ্বাদ আৰু সহযোগিতা বিচাৰে । বৰদলৈয়ে সংবাদমেলত মন্তব্য কৰে যে বহু বছৰৰ পিছত সমষ্টিটো এইবাৰ কংগ্ৰেছৰ দখলত আহিব বুলি তেওঁ আত্মবিশ্বাসী ।
প্ৰাক্তন নগঞা মন্ত্ৰী ৰকিবুল হুছেইন আৰু কংগ্ৰেছ নেতা দুৰ্লভ চমুৱাক লগত লৈ আয়োজন কৰা সংবাদমেলত বিজেপি চৰকাৰৰ বিৰুদ্ধে বহুকেইটা গুৰুত্বপূৰ্ণ মন্তব্য কৰে কংগ্ৰেছী প্ৰাৰ্থীজনে । সংবাদ মেলত ৰকিবুল হুছেইনে বিজেপি মন্ত্ৰী হিমন্ত বিশ্ব শৰ্মাকো সমালোচনা কৰে । শৰ্মাই এইবাৰ ৰাহুল গান্ধীৰ জয়ৰ উমান পাই কংগ্ৰেছৰ সৈতে গোপনে যোগাযোগ কৰাৰ খবৰ পোৱাৰ বাবেই বিজেপিয়ে প্ৰাৰ্থীত্ব নিদিয়া বুলি মন্তব্য কৰে ৰকিবুল হুছেইনে ।
