কলিয়াবৰ, 13 জুলাই : কলিয়াবৰৰ শিলঘাটৰ ৰবৰবাৰীত গৰাখহনীয়া (Erosion)ই ব্যাপক ৰূপ ধাৰণ কৰিছে । জলসম্পদ বিভাগে (Water Resources Department) পাৰ্কুপাইন (Porcupine)দি ব্ৰহ্মপুত্ৰৰ গৰাখহনীয়া (Bank erosion of the Brahmaputra River) ৰোধৰ বাবে ব্যৱস্থা গ্ৰহণ কৰিছে ৷ বিভাগটোৰ এই ব্যৱস্থাই কিন্তু অঞ্চলটোৰ স্থানীয় লোকক আশ্বস্ত কৰাৰ পৰিবৰ্তে প্ৰতিক্ৰিয়াৰ হে সৃষ্টি কৰিছে ৷ অঞ্চলটোৰ দীৰ্ঘদিনীয়া সমস্যাৰ স্থায়ী সমাধানৰ পৰিবৰ্তে জলসম্পদ বিভাগে (Water Resources Department)ভৰ বাৰিষাৰ মাজতেই পাৰ্কুপাইন দি খহনীয়া সমাধানৰ চেষ্টা কৰাত স্থানীয় লোকে প্ৰতিক্ৰিয়া প্ৰকাশ কৰিছে ৷
জলসম্পদ বিভাগ (Water Resources Department)ৰ 'চোৰ গ'লে বুদ্ধি, বৰষুণ গ'লে জাপি' নীতিৰ বাবে শিলঘাটৰ বৃহৎ অঞ্চল এতিয়া ব্ৰহ্মপুত্ৰৰ বুকুত জাহ যোৱাৰ দিশত । বিভাগটোৱে যন্ত্ৰচালিত নাঁৱৰ পৰা যধে-মধে লুইতৰ বুকুত পেলাইছে কোটি টকীয়া আঁচনিৰ পাৰ্কুপাইন । তাকে দেখি ক্ষুব্ধ হৈ পৰিছে নৈ-পৰীয়া ৰাইজ ।
ৰবৰবাৰী গাঁৱৰ লগতে শিলঘাটস্থিত অসম সমবায় মৰাপাট কলৰ প্ৰতি ভাবুকি কঢ়িয়াই অনা এই ভয়ঙ্কৰ খহনীয়া এনেধৰণৰ নিম্নমানৰ কামেৰে নিয়ন্ত্ৰণ সম্ভৱ নহয় বুলি মত প্ৰকাশ কৰিছে শিলঘাটবাসীয়ে । বিগত চাৰিবছৰ ধৰি গৰাখহনীয়া ৰোধৰ বাবে পাৰ্কুপাইনৰ ব্যৱস্থা কৰাৰ পিচতো অঞ্চলটোত অব্যাহত খহনীয়া ৰোধৰ বাবে গাইড-বান্ধ দিবলৈ জলসম্পদ মন্ত্ৰী পীযুষ হাজৰিকা(Water Resources Minister Pijush Hazarika)ক আহ্বান স্থানীয় লোকে ।
লগতে পঢ়ক : ভিডিঅ' ভাইৰেল কৰা যুৱকৰ বিৰুদ্ধে গোচৰ ৰুজু
