মহাজোঁটৰ প্ৰাৰ্থী এতিয়া অসন্তুষ্ট...কিয় ক’লে পীযুষে ?

হোটেলত ৰখাক কেন্দ্ৰ কৰি অসন্তুষ্ট মহাজোঁটৰ প্ৰাৰ্থী । নগাঁৱত শুকুৰবাৰে এই বিস্ফোৰক মন্তব্য কৰে মন্ত্ৰী পীযুষ হাজৰিকাই ।

নগাঁও,24 এপ্ৰিল: মুখ্যমন্ত্ৰী সৰ্বানন্দ সোণোৱালৰ সৈতে শুকুৰবাৰে নগাঁৱত উপস্থিত হোৱা মন্ত্ৰী পীযুষ হাজৰিকাই সংবাদ মাধ্যমৰ সন্মুখত প্ৰকাশ কৰিলে কেইবাটাও বিস্ফোৰক মন্তব্য । প্ৰাৰ্থীক হোটেলত ৰাখি মহাজোঁটে নাটক আৰম্ভ কৰা বুলি সংবাদ মাধ্যমৰ সন্মুখত মন্তব্য কৰে পীযুষ হাজৰিকাই ৷ তদুপৰি হোটেলত ৰখাক কেন্দ্ৰ কৰি একাংশ প্ৰাৰ্থীয়েই অসন্তুষ্ট বুলিও মন্তব্য কৰে মন্ত্ৰী হাজৰিকাই ।

অৱশ্যে দুই-এজন প্ৰাৰ্থীয়ে ভালকৈ খাদ্য গ্ৰহণ আৰু থাকিবলৈ পোৱা বাবে ভালে পাইছে বুলিও কংগ্ৰেছৰ নেতাসকলক কটাক্ষ কৰে মন্ত্ৰী গৰাকীয়ে ৷ এইবাৰ মিত্ৰজোঁটে চৰকাৰ গঠন কৰাটো নিশ্চিত বুলি দাবী কৰি মিত্ৰজোঁটৰ হৰ্ছ ট্ৰেডিঙৰ প্ৰয়োজনেই নহয় বুলিও প্ৰকাশ কৰে মন্ত্ৰী পীযুষ হাজৰিকাই ৷

লগতে পঢ়ক: ক'ভিডৰ ভয়াৱহ সংক্ৰমণ: তৎপৰ মন্ত্রী হিমন্ত বিশ্ব শৰ্মা