কলিয়াবৰ, 24 ফেব্ৰুৱাৰীঃ জিলা ধপাত নিয়ন্ত্ৰণ কোষে ধপাত বিৰোধী আইন প্ৰয়োগৰ বাবে, ধপাত ব্যৱহাৰৰ কু প্ৰভাৱৰ বিৰুদ্ধে সজাগতা বৃদ্ধি কৰিবলৈ বিভিন্ন সময়ত সজাগতা সভা আৰু প্ৰশিক্ষণ শিবিৰৰ আয়োজন কৰি আহিছে ৷ সেই উদ্দেশ্য আগত ৰাখি আজি কলিয়াবৰত "চিগাৰেট আৰু অন্যান্য ধপাতযুক্ত উৎপাদন আইন" চমুকৈ 'COTPA' (Cigarettes and Other Tobacco Products Act)ৰ সজাগতা আৰু প্ৰয়োগ সম্পৰ্কীয় এক প্ৰশিক্ষণ শিবিৰ অনুষ্ঠিত কৰে ৷
কলিয়াবৰৰ মহকুমাধিপতি কাৰ্যালয়ৰ সভাকক্ষত অনুষ্ঠিত এই সজাগতা শিবিৰত অংশগ্ৰহণ কৰে কলিয়াবৰ মহকুমাৰ পাঁচখন আৰক্ষী নিৱেশৰ ভাৰপ্ৰাপ্ত আৰক্ষী বিষয়াই ৷ প্ৰতিখন আৰক্ষী চকীৰ দুজনকৈ আৰক্ষী বিষয়াক এই কৰ্মশালাত প্ৰশিক্ষণ প্ৰদান কৰা হয় ৷ নগাঁও জিলা ধপাত নিয়ন্ত্ৰণ কোষে আয়োজন কৰা এই সজাগতা তথা প্ৰশিক্ষণ শিবিৰত উপস্থিত থাকে কলিয়াবৰৰ মহকুমা আৰক্ষী বিষয়া মৃন্ময় দাস আৰু নগাঁও জিলা ধপাত নিয়ন্ত্ৰণ কোষৰ ড° অঞ্জন কুমাৰ গোস্বামী ।
লগতে পঢ়কঃ তিনিচুকীয়াত সদৌ অসম শ্বহীদ-নির্যাতিত পৰিয়াল পৰিষদৰ উদ্যোগত শ্বহীদ দিৱস
