নগাঁও, 20 ফেব্ৰুৱাৰী : নগাঁও জুৰীয়া আৰক্ষীয়ে শনিবাৰে কাৰ্বি আংলঙৰ পৰা গ্ৰেপ্তাৰ কৰে হাকিম আলী নামৰ এজন লোকক । নগাঁৱৰ ৰূপহীহাটৰ জুৰীয়াৰ চিতলমাৰিত হাকিম আলীয়ে চাৰি বছৰৰ পূৰ্বে অবৈধ প্ৰেম আৰু সম্পত্তিৰ বাবে চাৰিজন ঘাতকৰ সহায়ত হত্যা কৰিছিল নিজ পুত্ৰক ৷ উক্ত ঘটনাৰ পাছতেই ঘাতকৰূপী পিতৃ হাতেম আলীৰ বিৰূদ্ধে আনজন পুত্ৰ মজিবুৰ ৰহমানে জুৰীয়া আৰক্ষী থানাত এক গোচৰ ৰুজু কৰিছিল ।
এই ঘটনাৰ পাছত সুদীৰ্ঘ চাৰিবছৰ আৰক্ষী চকুত ধূলি দি হাতেম আলীয়ে প্ৰেমিকাক লগত লৈ কাৰ্বি আংলঙত আত্মগোপন কৰি আছিল ৷ উক্ত গোচৰৰ ভিত্তিত জুৰীয়া আৰক্ষীয়ে তদন্ত অব্যাহত ৰাখি সুদীৰ্ঘ চাৰিবছৰৰ অন্তত শনিবাৰে গ্ৰেপ্তাৰ কৰিবলৈ সক্ষম হয় ঘাতকৰূপী কলংকিত পিতৃ হাকিম আলীক ।
লগতে পঢ়ক : সংশোধন হ'ব 'অসম মুক্তি যুঁজাৰু সাহাৰ্য নীতি'
