নগাঁও, 7 ছেপ্টেম্বৰ : নগাঁৱৰ ননৈ আৰক্ষীয়ে বুধবাৰে বৃহৎ পৰিমাণৰ চুলাই মদসহ এজন ব্যৱসায়ীক আটক কৰিবলৈ সক্ষম হয় । আটকাধীন ব্যৱসায়ীজন অৰুণ দাস বুলি জানিব পৰা হৈছে । ধৃত ব্যৱসায়ীজনৰ ঘৰ নগাঁৱৰ পমুৱৈদেউৰী গাঁও বুলি জানিব পৰা হৈছে ।
ননৈ আৰক্ষীৰ উপ পৰিদৰ্শক উদ্যায়ক বচুমতাৰীয়ে এক গোপন সূত্ৰৰ ভিত্তিত চলাই এই অভিযান ৷ আৰক্ষীৰ দলটোৱে নগাঁৱৰ বুঢ়াগোঁহাই গাঁৱৰ পৰা চুলাই মদসহ ব্যৱসায়ীজনক আটক কৰে ৷ লোকজনৰ পৰা ১৪৬ পেকেট চুলাই মদ জব্দ কৰে আৰক্ষীয়ে ৷
সম্প্ৰতি চুলাই মদসহ ব্যৱসায়ীজনক আৱকাৰী বিভাগক চমজাই দিয়ে আৰক্ষীয়ে ৷ অৰুণ দাসৰ পৰা এখন আপাচি বাইকো জব্দ কৰিবলৈ সক্ষম হয় অভিযানকাৰী দলটোৱে । উল্লেখযোগ্য যে কিছুদিন পূৰ্বে ননৈ আৰক্ষীৰ জালত পৰিছিল বিশেষভাৱে সক্ষম আন এজন চুলাই ব্যৱসায়ী ৷
লগতে পঢ়ক : তামুলপুৰত 44 টা চোৰাং চিকাৰীৰ আত্মসমৰ্পন
