পেট্ৰ'ল ভৰ্তি টেংকাৰৰ মাজত মুখামুখি সংঘৰ্ষ

জখলাবন্ধাৰ পৰা নগাঁও অভিমুখে আহি থকা এখন পেট্ৰ'ল টেংকাৰত খুন্দা মাৰে গুৱাহাটীৰ পৰা নুমলীগড় অভিমুখে গৈ থকা আন এখন পেট্ৰ'ল টেংকাৰে যাৰ বাবে ৰিলায়েঞ্চ পেট্ৰলিয়ামৰ পেট্ৰল ভৰ্তি টেংকাৰখন বাগৰি পৰে 37 নং ৰাষ্ট্ৰীয় ঘাই পথৰ দাঁতিত ৷

নগাঁও, 09 আগষ্টঃ নগাঁও জিলাৰ অন্তৰ্গত চামগুৰিৰ পহুকটাত বৃহস্পতিবাৰে নিশা সংঘটিত হয় এক ভয়ানক পথ দুৰ্ঘটনা । ঘটনা অনুসৰি, জখলাবন্ধাৰ পৰা নগাঁও অভিমুখে আহি থকা এখন পেট্ৰ'ল টেংকাৰত খুন্দা মাৰে গুৱাহাটীৰ পৰা নুমলীগড় অভিমুখে গৈ থকা আন এখন পেট্ৰ'ল টেংকাৰে যাৰ বাবে ৰিলায়েঞ্চ পেট্ৰলিয়ামৰ পেট্ৰল ভৰ্তি টেংকাৰখন বাগৰি পৰে 37 নং ৰাষ্ট্ৰীয় ঘাই পথৰ দাঁতিত । ইফালে দুৰ্ঘটনাত পতিত হোৱাৰ পাছতে টেংকাৰখনৰ পৰা পেট্ৰ'ল নিগৰিবলৈ আৰম্ভ কৰে আৰু হাতে হাতে গেলান লৈ একাংশ স্থানীয় ৰাইজে ভিৰ কৰে ঘটনাস্থলীত ৷ কিন্তু ততাতৈয়াকৈ দুৰ্ঘটনাস্থলীত অগ্নি নিৰ্বাপক বাহিনী আৰু চামগুৰি আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷