নগাঁৱত মুকলি পথাৰত অচেতন অৱস্থাত উদ্ধাৰ ন-কইনা

নগাঁৱত মুকলি পথাৰত অচেতন অৱস্থাত উদ্ধাৰ ন-কইনা ৷ সম্প্ৰতি তেখেতক নগাঁও চিকিৎসা মহাবিদ্যালয়ত ভৰ্তি কৰোৱা হৈছে ৷

নগাঁও, 30 নৱেম্বৰঃ নগাঁৱৰ কুঁজীডহাত ন-কইনা উদ্ধাৰক লৈ সৃষ্টি হৈছে চাঞ্চল্য ৷ খুবা-খুবুনিৰ নিশাই সন্ধানহীন হৈ পৰা কইনাক মুকলি পথাৰৰ মাজত অচেতন অৱস্থাত উদ্ধাৰ কৰে ৰাইজে ৷ বিগত 27 নৱেম্বৰত নগাঁও জিলাৰ জাজৰি আৰক্ষী থানাৰ অন্তৰ্গত কুঁজীডাহৰ দ্বীপজ্যোতি বৰাৰ সৈতে বিবাহপাশত আৱদ্ধ হৈছিল যুৱতীগৰাকী ৷ কিন্তু খুবা-খুবুনিৰ নিশাই সন্ধানহীন হৈ পৰে কইনা ৷

বহু বিচাৰ-খোচাৰৰ অন্তত পুৱতি নিশা এখন মুকলি পথাৰত অচেতন অৱস্থাত উদ্ধাৰ কৰা হয় কইনাগৰাকীক ৷ সম্প্ৰতি তেখেতক নগাঁও চিকিৎসা মহাবিদ্যালয়ত ভৰ্তি কৰোৱা হৈছে ৷ ইতিমধ্যে কইনাৰ পৰিয়ালৰ এজাহাৰৰ ভিত্তিত জাজাৰি আৰক্ষীয়েও আৰম্ভ কৰিছে তদন্ত ৷ কইনাই সংজ্ঞা ঘূৰাই পোৱাৰ পিছতে উদঘাটন হ’ব প্ৰকৃত ৰহস্য ৷

লগতে পঢ়ক-শ্বহীদক স্মৰণৰে আৰম্ভণি কৰা হৈছে আছুৰ শপত গ্ৰহণ অনুষ্ঠান