নগাঁও, ৪ মাৰ্চ: এইবাৰ চোৰৰ কোপদৃষ্টি পৰিল নগাঁও বৈদ্যুতিক উপ-সংমণ্ডল কাৰ্যালয়ত । বুধবাৰে নিশা চোৰে কাৰ্যালয়টোৰ পৰা লুটি নিলে কম্পিউটাৰ আৰু চিচি টিভি কেমেৰা । নগাঁও চহৰৰ মাজমজিয়াত কবৰস্থানৰ সমীপত থকা বিদ্যুতৰ বিল জমা লোৱা এই কাৰ্যালয়টোৰ দুৱাৰ ভাঙি চোৰে ভিতৰত প্ৰৱেশ কৰে আৰু চাফাই অভিযান চলায় । চোৰে লুটি নিলে চাৰিটা কম্পিউটাৰৰ লগতে কাৰ্যালয়ৰ চিচি টিভি কেমেৰাৰ সম্পূৰ্ণ ছেট ।
নগাঁও বৈদ্যুতিক উপ-সংমণ্ডল কাৰ্যালয়ত লুট-পাত চলালে চোৰে
কাৰ্যালয়ৰ তৰফৰ পৰা খবৰ দিয়াৰ পিছতে নগাঁও আৰক্ষীৰ এটা দল উপস্থিত হৈ চুৰিকাণ্ড সন্দৰ্ভত অনুসন্ধান চলাইছে । সমগ্ৰ অঞ্চলটোত আৰক্ষীয়ে নিয়ামীয়া তহল দিয়াৰ পিছতো চোৰে বৈদ্যুতিক উপ-সংমণ্ডল কাৰ্যালয়ত লুট-পাত চলোৱা ঘটনাই এতিয়া চাঞ্চল্যৰ সৃষ্টি কৰিছে ।
লগতে পঢ়ক:তিনিচুকীয়াত ভয়ংকৰ অগ্নিকাণ্ড
