নগাঁও,11 নৱেম্বৰঃ ৰাজ্যৰ চাৰিওফালে এতিয়া ৰাসৰ আনন্দ ৷ মাজুলীৰ লগতে অসমৰ বিভিন্ন প্ৰান্তত এতিয়া ৰাসক লৈ বৰ্ণাঢ্য আয়োজন ৷ নগাঁৱতো পূৰ্ণৰূপত এতিয়া ৰাস উৎসৱৰ প্ৰস্তুতি ৷ এই ৰাস মহোৎসৱত এইবাৰ দেখা যাব জাতি-ধৰ্মৰ ভেদাভেদ পাহৰি সম্প্ৰীতিৰ অনন্য নিদৰ্শন ৷ এইবাৰ বঢ়মপুৰৰ ৰাসে দৃষ্টি আকৰ্ষণ কৰিব সকলোৰে ৷ বঢ়মপুৰৰ জাগৰণ যুবমঞ্চৰ উদ্যোগত অনুষ্ঠিত হ'বলগীয়া এই ৰাসত কৃষ্ণৰ চৰিত্ৰত অভিনয় কৰিব ইছলাম ধৰ্মৰ যুৱতীয়ে । হিন্দু-ইছলাম সকলোৱে একেলগে অংশগ্ৰহণ কৰিব শ্ৰীকৃষ্ণৰ ৰাস মহোৎসৱত। কেৱল শ্ৰীকৃষ্ণৰ চৰিত্ৰতেই নহয় গোপীৰ ৰূপতো অৱৰ্ত্তীণ হ'ব ইছলাম ধৰ্মৰ যুৱতী ৷ কেলিগোপাল নাটত কৃষ্ণৰ ভাও ল'ব নগাঁৱৰ মুচকান বেগমে ।
নগাঁৱৰ ৰাস
