নগাঁও,7 ফেব্ৰুৱাৰী: নগাঁও জিলা আইন সেৱা প্ৰাধিকৰণৰ সহায়ক পদৰ লিখিত পৰীক্ষাৰ নামত ভেকোভাঁওনা ৷ পৰীক্ষা দিবলৈ আহি হতাশ চাকৰি প্ৰত্যাশী ৷ নগাঁও জিলা আইন সেৱা প্ৰাধিকৰণে ২০১৮ চনৰ জুলাই মাহতে প্ৰকাশ কৰিছিল সহায়ক পদৰ নিযুক্তিৰ বিজ্ঞাপন । ২০১৮ চনতে সহায়ক পদৰ বাবে আবেদন কৰিছিল বহুকেইগৰাকী শিক্ষিত যুৱক-যুৱতীয়ে । সেই মতে চাকৰি প্ৰত্যাশী প্ৰাৰ্থীয়ে ইতিমধ্যে লাভ কৰিছে লিখিত পৰীক্ষাৰ কলিং লেটাৰ ।
কলিং লেটাৰত উল্লেখ কৰা মতেই লিখিত পৰীক্ষা দিবলৈ দেওবাৰে নগাঁও চৰকাৰী বালক বিদ্যালয়ত উপস্থিত হয় প্ৰাৰ্থীসকল । কিন্তু বিদ্যালয়নত লিখিত পৰীক্ষাৰ বাবে কোনো আয়োজন দেখা নাপাই হতাশ আৰু ক্ষোভিত হৈ পৰে চাকৰি প্ৰাৰ্থীসকল । যি সময়ত এটা চৰকাৰী চাকৰি বিচাৰি হাহাকাৰ কৰিছে ৰাজ্যৰ লাখ লাখ শিক্ষিত নিবনুৱা যুৱক যুৱতীয়ে । সেই সময়তেই নগাঁও আইন সেৱা প্ৰাধিকৰণৰ এনে দায়িত্বজ্ঞানহীন কাণ্ডই চিন্তিত কৰি তুলিছে সকলোকে ৷
লগতে পঢ়ক-মোদীৰ সভাৰ পিছতে ভোটপাৰাত তীব্ৰ যানজঁট
