নগাঁও, 3 ডিচেম্বৰ: নগাঁও জিলা বন্যপ্ৰাণী সংমণ্ডলৰ অধীনস্থ ধিং সমষ্টিৰ ধিং গাঁৱত বন বিভাগৰ অভিযান। বনবিভাগৰ অভিযানত জব্দ সোতৰটাকৈ বনৰীয়া চৰাই। এক গোপন খবৰৰ ভিত্তিত সোমবাৰে অতৰ্কিতে বন বিভাগে চলোৱা অভিযানত ধিংগাঁৱৰ পৰা সোতৰটাকৈ কাম চৰাই উদ্ধাৰ কৰাৰ লগতে চিকাৰীয়ে পক্ষী নিধনৰ বাবে ব্যৱহৃত সা- সামগ্ৰী জব্দ কৰে ৷ কিন্তু বন বিভাগে চলোৱা অভিযানৰ খবৰ পাই পক্ষী নিধনৰ লগত জড়িত চোৰাং চিকাৰীকেইজন পলাই যাবলৈ সক্ষম হয় । উল্লেখ্য যে, স্থানীয় ৰাইজেও সহযোগ কৰে বন বিভাগৰ এই অভিযানত ।
শীতৰ আগমণৰ লগে লগে বিশেষকৈ অক্টোবৰৰ পৰা মাৰ্চ মাহ পৰ্যন্ত নগাঁও জিলা উত্তৰ-পশ্চিম প্ৰান্তৰ জলাশয় বোৰত নানা প্ৰজাতিৰ দেশী বিদেশী পৰিভ্ৰমী পক্ষীৰ আগমণ ঘটে ৷ কিন্তু এই পৰিভ্ৰমী পক্ষীৰ আগমণৰ লগে লগেই এচাম দুষ্ট চক্ৰই পক্ষীৰ চোৰাং চিকাৰৰ বাবে সক্ৰিয় হৈ পৰে আৰু বিভিন্ন কৌশলেৰে পক্ষীবোৰ নিধন কৰি বেহা চলাই আহিছে ৷
লগতে পঢ়ক:ৰাজ্যজুৰি উদযাপন "অসম দিৱস"
