ভাষাৰ সুৰক্ষাৰ বাবে কিতাপ পঢ়াৰ প্ৰয়োজনঃডঃ আবু হানিফা

অইন বেলিৰ দৰে এইবেলিও আয়োজন কৰা হৈছে নগাওঁ গ্ৰন্থমেলা ৷ যি সময়ত অসমীয়া ভাষাৰ অস্তিত্ব ৰক্ষাৰ আশংকাত চলিছে প্ৰতিবাদ,তাৰ বিপৰীতে অসমীয়া গ্ৰন্থ অধ্যয়নৰে ভাষা সুৰক্ষাৰ প্ৰচেষ্টাত মগ্ন হৈছে এজাক নৱ প্ৰজন্ম ৷ ১৭ ডিচেম্বৰৰ পৰা আৰম্ভ হোৱা এই গ্ৰন্থমেলাত উন্মোচিত হয় মিনাৰা হুছেইনৰ হৃদয়ে যেতিয়া কান্দে শীৰ্ষক উপন্যাসখন

নগাওঁ,22 ডিচেম্বৰঃ শীতৰ সমান্তৰালকৈ আৰম্ভ হৈছে গ্ৰন্থৰ বতৰ ৷ পছন্দৰ গ্ৰন্থ বিচাৰি শিশুৰ পৰা বৃদ্ধলৈকে ভিৰ দেখা গৈছে নগাওঁ গ্ৰন্থমেলাথলীত । অইন বেলিৰ দৰে এইবেলিও আয়োজন কৰা হৈছে নগাওঁ গ্ৰন্থমেলা ৷ ৰাজ্যৰ শেহতীয়া পৰিস্থিতিৰ বিপৰীতে এয়া নিসন্দেহে ভাল খবৰ ৷ যি সময়ত অসমীয়া ভাষাৰ অস্তিত্ব ৰক্ষাৰ আশংকাত চলিছে প্ৰতিবাদ,তাৰ বিপৰীতে অসমীয়া গ্ৰন্থ অধ্যয়নৰে ভাষা সুৰক্ষাৰ প্ৰচেষ্টাত মগ্ন হৈছে এজাক নৱ প্ৰজন্ম ৷

নেহেৰুবালীৰ সৌজন্যময়ী ভট্টাচাৰ্য্য ক্ষেত্ৰত অনুষ্ঠিত হৈছে এই বৰ্ষৰ নগাওঁ গ্ৰন্থমেলা ৷ ১৭ ডিচেম্বৰৰ পৰা আৰম্ভ হোৱা এই গ্ৰন্থমেলাত উন্মোচিত হয় মিনাৰা হুছেইনৰ হৃদয়ে যেতিয়া কান্দে শীৰ্ষক উপন্যাসখন ৷ গ্ৰন্থখন উন্মোচন কৰে বিশিষ্ট সাংবাদিক ডঃ আবু হানিফাই ৷ গ্ৰন্থমেলাথলীত দেওবাৰে অনুষ্ঠিত হয় "গণতান্ত্ৰিক চেতনা গঠনত সংবাদ মাধ্যমৰ ভূমিকা" শীৰ্ষক এক আলোচনা চক্ৰ ৷

এই আলোচনা চক্ৰত ভাগ লৈ সংবাদ মাধ্যমৰ ভূমিকাৰ বিষয়ে বক্তৃতা প্ৰদান কৰে জ্যেষ্ঠ সাংবাদিক ডঃ আবু হানিফা আৰু জ্যোতিৰ্ময় চক্ৰৱৰ্তীয়ে । বিশিষ্ট ব্যক্তি দুগৰাকীয়ে নৱপ্ৰজন্মক ভাষাৰ সুৰক্ষাৰ বাবে কিতাপ পঢ়িবলৈ আহ্বান জনায় ৷ ইপিনে উন্মোচিত উপন্যাসখন পাঠক সমাজে আদৰি ল’ব বুলি আশাবাদী লেখিকাগৰাকী ৷

লগতে চাওকঃছ'চিয়েল মিডিয়াত ভুৱা প্ৰচাৰ চলাই ডিব্ৰুগড় আৰক্ষীৰ জালত নগাঁও কলেজৰ ছাত্ৰ