নগাঁও, 1 ছেপ্তেম্বৰঃ নগাঁৱৰ ৰূপহীহাট বিজেপিত বিসম্বাদ ৷ অৰুনোদয় আঁচনিৰ সভা অনুষ্ঠিত কৰাক লৈ দুই ফৈদৰ মাজত সৃষ্টি হয় সংঘাতৰ ৷ নিৰ্বাচনলৈ মাত্ৰ কেইটামান মাহ বাকী থকা অৱস্থাতে বিজেপিত বহিঃপ্ৰকাশ ঘটিছে প্ৰাৰ্থীত্ব কেন্দ্ৰিক সংঘাতৰ ৷ বিগত কিছুদিনৰ পৰাই চলি থকা ৰূপহীহাট বিজেপিৰ বিসম্বাদে এতিয়া লৈছে চূড়ান্ত ৰূপ ৷ উল্লেখ্য যে, সমষ্টিটোৰ পৰা প্ৰাৰ্থীত্ব বিচৰা বিজেপিৰ সংখ্যালঘু মৰ্চাৰ উপ-সভানেত্ৰী ছালমা জেচমিনে সোমবাৰে অৰুনোদয় আঁচনিক লৈ এখন সভাৰ আয়োজন কৰিছিল ৷ আনহাতে, একে সময়তেই উক্ত স্থানত ৰূপহীহাট মণ্ডল বিজেপিৰ সংখ্যালঘু মৰ্চাৰ সভাপতিৰ ঘনিষ্ঠ ছাজিবুল ইছলামে একেখন আঁচনিক লৈ সভা আয়োজন কৰাৰ অভিযোগ উত্থাপন কৰে ছালমা জেচমিনৰ সমৰ্থকে ।
নগাঁৱৰ ৰূপহীহাট বিজেপিত বিসম্বাদ
