কাতি বিহুত বঢ়মপুৰৰ কামপুৰত ব্যতিক্ৰমী পদক্ষেপ যুৱ সমাজৰ

কামপুৰ আঞ্চলিক যুৱক সমাজৰ উদ্যোগত কাতি বিহু উপলক্ষে বিশেষ ভাৱে সক্ষম লোকসকলক এখনি ফুলাম গামোচাৰে সম্বৰ্ধনা জনায় যুৱকসকলে।

বঢ়মপুৰ,18 অক্টোবৰঃ আজি কাতি বিহু। নগাঁও জিলাৰ কামপুৰত আঞ্চলিক যুৱক সমাজে কাতি বিহু উপলক্ষে গ্ৰহণ কৰে এক ব্যতিক্ৰমী পদক্ষেপ। কামপুৰ আঞ্চলিক যুৱক সমাজৰ উদ্যোগত কাতি বিহু উপলক্ষে বিশেষ ভাৱে সক্ষম লোকসকলক এখনি ফুলাম গামোচাৰে সম্বৰ্ধনা জনায় যুৱকসকলে। বিহুৰ দিনা এসাজ খাবলৈ কিছু আৰ্থিক সাহায্য দিয়াৰ লগতে শীত নিয়ন্ত্ৰণ কৰাৰ বাবে এখন কৈ গৰম কাপোৰ প্ৰদান কৰে বিশেষ ভাৱে সক্ষম লোকসকলক ।

বঢ়মপুৰ যুৱ সমাজৰ এই ব্যতিক্ৰমী পদক্ষেপৰ শলাগ লৈছে কামপুৰবাসীয়ে। তেওঁলোকে প্ৰতিবছৰৰ দৰে এইবাৰো ব্যতিক্ৰমী ধৰণেৰে পালন কৰে কাতি বিহু ৷