চামগুৰি,24 এপ্ৰিল: নগাঁও জিলাৰ পুৰণিগুদাম গড়মুৰৰ নৱজ্যোতি গায়নক ৫ মাৰ্চত যোৰহাটলৈ বুলি গাড়ী ভাড়া কৰি নি নিৰ্মম ভাবে হত্যা কৰা মুল অভিযুক্তক আটক কৰিবলৈ সক্ষম হৈছে নগাঁও আৰক্ষী । ধাৰাবাহিক অনুসন্ধানৰ পিছতে আৰক্ষীয়ে ঘটনাৰ লগত জড়িত তিনিটা মূল অভিযুক্তক কৰায়ত্ব কৰিবলৈ সক্ষম হৈছে ৷ আৰক্ষীয়ে হত্যাকাণ্ডটোত ব্যৱহৃত এখন এল্ট' আৰু ৰঙা ফলক সম্বলিত এখন চুইফ্ট ডিজাউয়াৰ গাড়ী জব্দ কৰিবলৈ সক্ষম হৈছে ।
হত্যাকাণ্ড সংঘটিত কৰা ধৃত অভিযুক্ত কেইটা হৈছে শোণিতপুৰৰ চাৰিদুৱাৰৰ মাষ্টাৰমাইণ্ড দিপাংকৰ কোঁচ, চামগুৰিৰ শিঙীয়াৰ মিন্টু বৰা আৰু পুৰণিগুদাম গড়মুৰৰ কেশৱ গায়ন । নগাঁও জিলাৰ অতিৰিক্ত আৰক্ষী অধীক্ষক ধ্ৰুৱ বৰা সহ কলিয়াবৰ মহকুমা আৰক্ষী বিষয়া মৃন্ময় দাসৰ নেতৃত্বত চামগুৰি আৰু পুৰণিগুদাম আৰক্ষীয়ে আধুনিক প্ৰযুক্তিবিদ্যাৰ সহায়ত ভেদ কৰে হত্যাকাণ্ডটিৰ ৰহস্য । উল্লেখযোগ্য যে, ৫ মাৰ্চত যোৰহাটলৈ বুলি গাড়ী ভাড়ালৈ আনি পুৰণিগুদাম গড়মুৰৰ নৱজ্যোতি গায়নক হত্যা কৰি পেলাই থৈ গৈছিল বোকাজানৰ ৰে’লৰ আলিত ।
লগতে পঢ়কঃ ক’ভিডৰ সুযোগ লৈ নগাঁৱত অত্যাৱশ্যকীয় সামগ্ৰীৰ মূল্যবৃদ্ধি
