পিঁয়াজৰ বৰ্ধিত মূল্যঃ কলিয়াবৰ মহকুমা প্ৰশাসনৰ বিশেষ পদক্ষেপ

শনিবাৰে কলিয়াবৰ মহকুমা প্ৰশাসনৰ উদ্যোগত আৰু যোগান বিভাগৰ সহযোগত পিঁয়াজৰ মূল্য নিয়ন্ত্ৰণৰ বাবে অনুষ্ঠিত কৰা হয় এখন বিশেষ সভা ৷ উক্ত সভাতে বিক্ৰেতাসকলৰ সৈতে যোগান বিভাগৰ হোৱা আলোচনাৰ অন্তত পিঁয়াজৰ খুচুৰা মূল্য শনিবাৰ আৰু দেওবাৰৰ বাবে প্ৰতি কেজিত ৭৮ টকাকৈ নিৰ্দ্ধাৰণ কৰা হয় ৷

কলিয়াবৰ, 1 ডিচেম্বৰঃ পিঁয়াজৰ অনিয়ন্ত্ৰিত মূল্যৰোধত চৰমভাৱে ব্যৰ্থ ৰাজ্যৰ যোগান বিভাগ ৷ কিন্তু ইয়াৰ বিপৰীতে কলিয়াবৰত যোগান বিভাগক লগত লৈ কলিয়াবৰ মহকুমা প্ৰশাসনে লৈছে বিশেষ পদক্ষেপ ৷ শনিবাৰে কলিয়াবৰ মহকুমা প্ৰশাসনৰ উদ্যোগত তথা যোগান বিভাগৰ সহযোগত পিঁয়াজৰ মূল্য নিয়ন্ত্ৰণৰ বাবে অনুষ্ঠিত কৰা হয় এখন বিশেষ সভা ৷ কলিয়াবৰৰ মহকুমাধিপতি বিতুপন নেওগৰ সভাপতিত্বত অনুষ্ঠিত হোৱা উক্ত সভাত উপস্থিত থাকে কলিয়াবৰ মহকুমাৰ জখলাবন্ধা, আমবাগান, চুলোং আদি ঠাইৰ পাইকাৰী বিক্ৰেতাৰ লগতে সুলভ মূল্য আৰু আমাৰ দোকানৰ বিক্ৰেতাসকল ৷

উক্ত সভাতে বিক্ৰেতাসকলৰ সৈতে যোগান বিভাগৰ হোৱা আলোচনাৰ অন্তত পিঁয়াজৰ খুচুৰা মূল্য শনিবাৰ আৰু দেওবাৰৰ বাবে প্ৰতি কেজিত ৭৮ টকাকৈ নিৰ্দ্ধাৰণ কৰা হয় ৷ আৰু তাৰ পৰৱৰ্তী দুদিনৰ বাবে প্ৰতি কেজিত ৮০ টকাকৈ নিৰ্দ্ধাৰণ কৰা হয় ৷ আনহাতে ইয়াৰ পৰৱৰ্তী পৰ্যায়ত পিঁয়াজৰ বজাৰ মূল্য অনুসৰি খুচুৰা বিক্ৰীৰ মূল্য নিৰ্ধাৰণ কৰা হ’ব বুলি যোগান বিভাগে জনায় ৷

আৰু পঢ়ক- বেলেষ্টিক মিচাইল ‘অগ্নি 3’ ৰ সফল নৈশ পৰীক্ষণ সম্পন্ন