নগাঁও, 26 মে': লক ডাউনৰ মাজতেই নগাঁৱৰ খুটিকটীয়াত সংঘটিত হৈছে এক ভয়ংকৰ ঘটনা ৷ অঞ্চলটোত সোমবাৰে নিশা জীৱন্তে অগ্নিদগ্ধ হৈ মৃত্যু হয় বহিঃৰাজ্যৰ এজন যুৱকৰ ৷ ঘটনাক কেন্দ্ৰ কৰি খুটিকটীয়া অঞ্চলত সৃষ্টি হৈছে তীব্ৰ চাঞ্চল্য ৷
উল্লেখ্য যে, দীৰ্ঘদিনৰ পৰা নগাঁৱত বিভিন্নজনৰ পৰা খুজি মাগি অঘৰী জীৱন যাপন কৰি আহিছিল চাকিব হুছেইন নামৰ বহিঃৰাজ্যৰ যুৱকজনে ৷ বহু দিন ধৰি যুৱকজনৰ নিশাৰ আশ্ৰয়স্থল আছিল পথৰ দাঁতিত থকা এখন টাটা চুমু বাহন ৷ আন দিনাৰ দৰে সোমবাৰে নিশাও যুৱকজনে আশ্ৰয় লৈছিল খুটিকটীয়াৰ পথৰ দাঁতিত ৰৈ থকা চাৰিচকীয়া বাহনখনত ৷ কিন্তু মাজনিশা উক্ত বাহন খন হঠাৎ জ্বলি ভস্মীভূত হোৱাত অগ্নিদগ্ধ হৈ মৃত্যুমুখত পৰে যুৱকজন৷ বাহনখনত সংঘটিত হোৱা অগ্নিকাণ্ডৰ কাৰণ পোহৰলৈ অহা নাই যদিও কোনো দুৰ্বৃত্তই বাহনখনত অগ্নিকাণ্ড সংঘটিত কৰা বুলি সন্দেহ কৰিছে স্থানীয় লোকে ৷
লগতে পঢ়কঃ গহপুৰৰ বালিজানত ভয়ংকৰ পথ দুৰ্ঘটনা
