নগাঁও, 15 জানুৱাৰীঃ ভোগালীৰ আনন্দৰ মাজতে নগাঁৱত প্ৰতিবাদ । ভোগালীৰ মেজিত জ্বলিল নাগৰিকত্ব সংশোধনী আইনৰ প্ৰতিলিপি । বুধবাৰে ভোগালী বিহু দিনাই নগাঁৱৰ দক্ষিণ-পশ্চিম নগাঁও ছাত্ৰ সন্থা আৰু বাংঠাই লাচিত যুৱ সংঘৰ উদ্যোগত নাগৰিকত্ব সংশোধনী আইন বাতিলৰ দাবীত ভেলাঘৰৰ সন্মুখতে সহস্ৰাধিক ৰাইজে সাব্যস্ত কৰিলে প্ৰতিবাদ ।
উল্লেখ্য যে, বাংথাই গাঁৱৰ যুৱকসকলে নাগৰিকত্ব সংশোধনী আইন বিৰোধী প্ৰতিবাদৰে অসমৰ মানচিত্ৰ আৰ্হিত নিৰ্মান কৰা ভেলা ঘৰে সমগ্ৰ ৰাজ্যজুৰি চৰ্চা লাভ কৰিবলৈ সক্ষম হৈছে । অসমৰ মানচিত্ৰ, মানচিত্ৰৰ ওপৰত হাতত হেংদাঙ লৈ লাচিত বৰফুকনৰ প্ৰতিমূৰ্তি আৰু মানচিত্ৰৰ তলত "নাগৰিকত্ব সংশোধনী আইন আমি নামানো", জয় আই অসম আদি বিভিন্ন বাক্য লিখা ভেলাঘৰৰ নিলগতে এটি মেজি নিৰ্মাণ কৰি নাগৰিকত্ব সংশোধনী আইনৰ প্ৰতিলিপি দাহ কৰে । তাৰোপৰি ভেলাঘৰৰ সন্মুখততে গীত গাই ,নৃত্যৰ মাজেৰে কোনোৱে আকৌ উদাত্ত কণ্ঠৰে কবিতা পাঠ কৰি প্ৰতিবাদ সাব্যস্ত কৰে ।
আৰু পঢ়কঃ ব্যতিক্ৰমী সত্ৰীয়া পৰম্পৰাৰে বৰপেটাবাসীৰ হেঁপাহৰ উৰুকা
