বটদ্ৰৱা, 27 এপ্ৰিলঃ বটদ্ৰৱা আৰক্ষীৰ বিৰুদ্ধে অপৰাধীক ৰক্ষণাবেক্ষন দিয়াক লৈ উত্তপ্ত পৰিস্থিতিৰ সৃষ্টি হয় স্থানীয় চৌৰাপাৰাত ৷ শুক্ৰবাৰে নিশা সংঘটিত হোৱা এক ঘটনাক কেন্দ্ৰ কৰিয়ে এইদৰে উত্তপ্ত হৈ পৰে অঞ্চলটো ৷
ঘটনা অনুসৰি স্থানীয় ৰাইজে এহাল যুৱক-যুৱতীক অসংযত অৱস্থাত উদ্ধাৰ কৰি আৰক্ষীক খবৰ দিয়ে ৷ পৰৱৰ্তী সময়ত আৰক্ষীয়ে আহি অভিযুক্ত যুৱক ফাৰহান আহমেদক লৈ যাব বিছাৰে যদিও যুৱতীগৰাকীৰ অনুমতি অবিহনে ৰাইজে ফাৰহানক যাবলৈ দিবলৈ অমান্তি হয় ৷ আনহাতে অভিযুক্ত যুৱতীগৰাকীয়ে সংবাদ মাধ্যমৰ আগত উল্লেখ কৰা অনুসৰি বিয়াৰ প্ৰলোভনেৰে অবৈধ কাৰ্য সংঘটিত কৰিছিল ফাৰহানে ৷ কিন্তু ৰহস্যজনকভাৱে বটদ্ৰৱা আৰক্ষী চকীৰ সহকাৰী উপ-পৰিদৰ্শক কনকেশ্বৰ দাসে যুৱকজনৰ পক্ষ লোৱাৰ অভিযোগ উত্থাপন কৰে স্থানীয় ৰাইজে ৷ ইয়াকে লৈ একাংশ ৰাইজে পৰিৱেশ উত্তাল কৰি তোলাৰ লগতে পৰৱৰ্তী সময়ত সেইস্থানৰ পৰা আৰক্ষীক খেদি পঠায় ৷ বৰ্তমানে ঘটনাক লৈ আৰক্ষীৰ তদন্ত অব্যাহত আছে যদিও এই ঘটনাই পুনৰ এবাৰ আৰক্ষীৰ বিফলতা প্ৰমাণ কৰি তোলে ৷
