বঢ়মপুৰ, 15 মে’: অপৰিৱৰ্তিত হৈ ৰৈছে কামপুৰৰ বান পৰিস্থিতি ৷ ক্ৰমাৎ বৃদ্ধি হ’বলৈ ধৰিছে কপিলীৰ বান ৷ নেৰানেপেৰা বৰষুণৰ ফলত কামপুৰত কপিলীয়ে ধাৰণ কৰিছে ভয়াৱহ ৰূপ ৷ দেওবাৰে পুৱাৰ ভাগলৈকে কপিলীৰ বানে প্ৰভাৱিত কৰিছে কামপুৰৰ ন ন অঞ্চল(Kampur effected by Kapili river floods) ৷
বৃহত্তৰ অঞ্চলটোত থকা বকুলগুৰি-নলাপাৰা সংযোগী মথাউৰিৰ ওপৰৰে পানী বাগৰি প্লাৱিত হৈছে বহু অঞ্চল ৷ কামপুৰ-বকুলগুৰি-কাৰ্বি আংলং সংযোগী লোক নিৰ্মাণ বিভাগৰ পথৰ ওপৰতে বৰ্তমান দেখা গৈছে একঁকাল পৰ্যন্ত পানী ৷ যাৰবাবে সম্পূৰ্ণৰূপে ব্যাহত হৈ পৰিছে যাতায়াত ৷
বছৰৰ প্ৰথমটো বানৰ ফলতে বকুলগুৰি, নলাপাৰ, চিমলাইৰ লগতে হোজাইৰ দাঁতি কাষৰীয়া ঠেপেলাগুৰি, কেন্দুগুৰি, লংকাৰ ঠাইচুবালী, কপিলীপাৰকে ধৰি কেইবাখনো গাঁও প্লাৱিত হৈছে ৷ সাধাৰণ লোকসকলে নিজৰ যাৱতীয় বয়-বস্তু আৰু পশুধন সহ নিৰাপদ আশ্ৰয়স্থলী বিচাৰি ধাৱমান হৈছে ৷
লগতে চাওক: Flood in assam 2022 : বিপদসীমাৰ ওপৰেৰে বৈছে কপিলী-বৰপানীৰ জলপৃষ্ঠ
