কলিয়াবৰ, 23 অক্টোবৰঃ কলিয়াবৰত পুনৰ বনৰীয়া গাহৰিৰ আক্ৰমণত এগৰাকী গৰ্ভৱতী মহিলাসহ তিনিজনলোক আহত হয় ৷ মিনতি মণ্ডল নামৰ এগৰাকী গৰ্ভৱতী মহিলা গুৰুতৰভাৱে আহত হোৱাৰ লগতে ব্ৰজ মণ্ডল আৰু চিৰঞ্জিৎ মণ্ডল নামৰ আন দুজনো আহত গাহৰিৰ আক্ৰমণত। গৰ্ভৱতী মহিলাগৰাকীক উন্নত চিকিৎসাৰ বাবে তেজপুৰ চিকিৎসা মহাবিদ্যালয়লৈ প্ৰেৰণ কৰা হয় ৷ লাওখোৱা অভয়াৰণ্যৰ পৰা ওলাই অহা গাহৰিয়ে আক্ৰমণ কৰা এইটো দ্বিতীয়টো ঘটনা ৷ ইয়াৰ পূৰ্বে যোৱা মঙলবাৰেও কলিয়াবৰৰ বঙৰচুক গাঁৱত বনৰীয়া গাহৰিৰ আক্ৰমণত এজন লোক প্ৰাণ হেৰুৱাইছিল ।
কলিয়াবৰত বনৰীয়া গাহৰিৰ আক্ৰমণত আহত তিনি
