কলিয়াবৰ, 16 চেপ্তেম্বৰঃ কলিয়াবৰ মহকুমা আৰক্ষী বিষয়াৰ নেতৃত্বত জখলাবন্ধা আৰক্ষীৰ অভিযান৷ অভিযানত জব্দ হ'ল বুজন পৰিমাণৰ চোৰাং তেল আৰু লোৰ ৰড । বাগৰি থানা এলেকাৰ হাৰমতীৰ নাজিৰ ধাবাৰ পৰা আৰক্ষীয়ে জব্দ কৰে চোৰাং তেল আৰু ৰড । চোৰাং তেল আৰু ৰড মজুত কৰি ধাবাখনৰ মালিক-কৰ্মচাৰীয়ে দীৰ্ঘদিন ধৰি অবৈধ ব্যৱসায় চলাই থকাৰ অভিযোগ । চোৰাং ব্যৱসায় সংক্ৰান্তত ধাবাখনৰ মালিক নাজিৰ আহমেদ আৰু দুই কৰ্মচাৰী আহমেদ আলি আৰু ৰচিদুল হকক গ্ৰেপ্তাৰ ৷
কলিয়াবৰত জব্দ চোৰাং তেল আৰু লোৰ ৰড, গ্ৰেপ্তাৰ তিনিজন
দীৰ্ঘদিনৰ পৰা অঞ্চলটোত বিভিন্ন দুষ্কাৰ্য সংঘটিত হৈ আহিছিল বুলি স্থানীয় ৰাইজে অভিযোগ তুলি আহিছে৷ কেইসপ্তাহমান পূৰ্বে কলিয়াবৰ আৰক্ষীয়ে অভিযান চলাই ট্ৰাকসহ চোৰাং গৰু সৰবৰাহ কৰাৰ পৰা উদ্ধাৰ কৰাৰ পাচতেই সোমবাৰে পুনৰ কলিয়াবৰ আৰক্ষীয়ে সফলতা লাভ কৰিবলৈ সক্ষম হৈছে৷ আৰক্ষীৰ এই অভিযানৰ সফলতাৰ শলাগ লৈছে স্থানীয় ৰাইজে ৷
