নগাঁও, 22 ছেপ্টেম্বৰ: ৰূপহীহাটৰ লাওখোৱা চাপৰিৰ ৭ নং ভগামুখত লোমহৰ্ষকক হত্যাকাণ্ডৰ ঘটনা সংঘটিত হৈছে (Murder case at Rupahigaon) ৷ স্বামীৰ দাৰ ঘাপত মৃত্যুক আকোৱালি লয় পত্নীয়ে (Husband kills wife ) ৷
বৃহস্পতিবাৰে পুৱাই সংঘটিত হয় এই ঘটনা ৷ পাৰিবাৰিক কন্দলৰ বাবে পিতৃ গৃহলৈ গুচি গৈছিল ফৰিদা খাতুন নামৰ মহিলাগৰাকী ৷ তাৰ পিছৰ পৰাই পত্নীক ঘৰলৈ ঘূৰাই আনিবলৈ স্বামী আলাল উদ্দিনে কেবাবাৰো শহুৱেকৰ ঘৰলৈ গৈছিল যদিও পত্নী আহিবলৈ মান্তি হোৱা নাছিল (Husband killed wife at Rupohighat) ৷
অৱশেষত বুধবাৰে নিশা স্বামীৰ লগত ঘৰলৈ উভতি আহে পত্নী ফৰিদা ৷ ঘৰলৈ আনিয়েই পত্নীক দাৰে উপৰ্যুপৰি ঘপিয়াই হত্যা কৰে আলালে ৷ পত্নীক হত্যা কৰি ঘৰৰ পৰা পলায়ন কৰে ঘাতক স্বামী ৷ ফৰিদা খাতুনৰ ডিঙি কটা অৱস্থাত চোতালত পৰি থকা দেখি লাওখোৱা চাপৰি আৰক্ষীক খবৰ দিয়ে স্থানীয় ৰাইজে ৷
আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰে ৷ লগতে এই ঘটনাৰ লগত জড়িত এটক আটক কৰি সোধ-পোছৰ বাবে লৈ যায় ৷ সম্প্ৰতি আলালক বিচাৰি তদন্ত অব্যাহত ৰাখিছে আৰক্ষীয়ে ৷
লগতে পঢ়ক: গোৱালপাৰাত কাঠৰ কুণ্ডাসহ কাঠফলা কল জব্দ
