বঢ়মপুৰ, 15 এপ্ৰিল : ৰাজ্যত দ্বিতীয় পযায়ৰ নিৰ্বাচনলৈ মাজত মাত্ৰ দুটা দিন বাকী ৷ মঙলবাৰে বিয়লি অন্ত পৰিব নিৰ্বাচনী প্ৰচাৰ । সেয়ে অন্তিম প্ৰচাৰত ব্যস্ত অসম চৰকাৰৰ স্বাস্থ্য আৰু বিত্ত মন্ত্ৰী হিমন্ত বিশ্ব শৰ্মাৰ নিৰ্বাচনী টোপ ৷ বাগিছাৰ বিদ্যালয়ত পুৱা ছাত্ৰ ছাত্ৰী সকল উপস্থিত হোৱাৰ লগে লগে শিক্ষা বিভাগে দিব কল আৰু আপেল, দুপৰীয়া আহাৰ আৰু চুটি সময়ত গাখীৰ আৰু বিস্কুট দিয়াৰ ঘোষণা হিমন্ত বিশ্ব শৰ্মাৰ৷
নগাঁৱত হিমন্ত বিশ্ব শৰ্মাৰ নিৰ্বাচনী টোপ
নগাঁৱৰ কন্দলী শগুনবাহী চাহ বাগিছাত হিমন্ত বিশ্ব শৰ্মাই নিৰ্বাচনী প্ৰচাৰ সভাত অংশগ্ৰহণ কৰি এই মন্তব্য কৰে ৷ বিজেপিৰ প্ৰাৰ্থী ৰূপক শৰ্মাৰ হৈ বাগানৰ শ্ৰমিক সকলৰ আগতো একেই মন্তব্য কৰে হিমন্ত বিশ্ব শৰ্মাই৷ মোডী বন্দনা আৰু কংগ্ৰেছ দলক সমালোচনা কৰি নিৰ্বাচনী বৈতৰণী পাৰ হবলৈ কোনো কৌশলেই যেন এতিয়া বাদ নিদিব মন্ত্ৰী হিমন্ত বিশ্ব শৰ্মাই৷
