বটদ্ৰৱা,22 জুলাই : দুভৰিৰ যাদুৰে স্বৰ্ণ কন্যা হিমা দাসে দেখুওৱা ইটোৰ পাচত সিটো সাফল্যই এতিয়া গৌৰৱান্বিত কৰি তুলিছে ৰাজ্যবাসীৰ লগতে দেশবাসীক ৷ ১৮ দিনত 5টাকৈ স্বৰ্ণ পদক অৰ্জনেৰে সফলতাৰ ধাৰা অক্ষুণ্ণ ৰখা অসম কন্যা হিমাৰ গুণ গান তথা অভিনন্দনেৰে উপচি পৰিছে টুইটাৰ ৷ দেশৰ প্ৰধানমন্ত্ৰী নৰেন্দ্ৰ মোডীৰ পৰা আদি কৰি প্ৰতিগৰাকী তাৰকাই হিমালৈ যাচিছে শুভকামনা ৷ আনন্দৰ সীমা নাই হিমা দাসৰ ঘৰতো ৷ হিমাৰ সাফল্যক লৈ উৎফুল্লিত হিমাৰ পিতৃ-মাতৃ ৷ ক'লে হিমাক লৈ কৰা অনুভৱৰ সকলো কথা ৷ ব্যস্ততাৰ মাজতো যে,অসমৰ ৰাইজৰ বিপদৰ সময়তো ৰাইজৰ কাষত থাকি বানাক্ৰান্ত ৰাইজক সাহায্য আগবঢ়ালে তাক লৈও হিমাক শলাগিলে পিতৃ-মাতৃয়ে ৷
সেইয়া যিয়েই নহওক কিয় এতিয়া সকলোৰে এটাই আশা,দৌৰ ৰাণীয়ে ২০২০ৰ অলিম্পিকতো আজুৰি আনক সোণৰ পদক ।
স্বৰ্ণ কন্যাৰ সাফল্যত উৎফুল্লিত দেশবাসী
