নগাঁও, 28 এপ্ৰিলঃ নগাঁৱৰ খগেন মহন্ত প্ৰেক্ষাগৃহত শনিবাৰে সন্ধিয়া মঞ্চস্থ হয় ডি জি পি কুলধৰ শইকীয়া ৰচিত নাটক লালুকসোলা। পূৰ্বে কেইবাবাৰো গুৱাহাটীত মঞ্চস্থ হৈছিল নাটকখন। নাটকখন উপভোগ কৰিবলৈ দৰ্শকৰ ৰূপত খগেন মহন্ত প্ৰেক্ষাগৃহত উপস্থিত থাকে আৰক্ষী সঞ্চালক প্ৰধান গৰাকী ৷ লগতে গুৱাহাটী ৰংগমঞ্চৰ উদ্যোগত মঞ্চস্থ কৰা নাটকখন উপভোগ কৰে আৰক্ষী সঞ্চালক প্ৰধান কুলধৰ শইকীয়াৰ লগতে নগাঁৱৰ উপায়ুক্ত যাদৱ শইকীয়া আৰু আৰক্ষী অধীক্ষক শংকৰ ব্ৰত ৰায় মেধিয়ে। কুলধৰ শইকীয়াৰ লগত নাটকখনৰ পৰিচালক উপকূল বৰদলৈয়েও উপভোগ কৰে নাটকখন ৷
নগাঁৱত মঞ্চস্থ ডি জি পি কুলধৰ শইকীয়াৰ ৰচিত নাটক লালুকসোলা
নাটকখন উপভোগ কৰি নিজৰেই হওঁক বা আনৰে হওক নাটক উপভোগ কৰি আনন্দ অনুভৱ কৰে বুলি সংবাদ মাধ্যমৰ আগত ব্যক্ত কৰে কুলধৰ শইকীয়াই ৷ লগতে কাইলৈ তেজপুৰতো নাটকখন মঞ্চস্থ হোৱাৰ কথা উল্লেখ কৰে নাটকখনৰ পৰিচালক উপকূল বৰদলৈয়ে ৷
