সাহিত্য চৰ্চাত ব্যস্ত অসম আৰক্ষী সঞ্চালক প্ৰধান কুলধৰ শইকীয়া

সাহিত্যিক, শিক্ষক-শিক্ষয়িত্ৰী, ছাত্ৰ-ছাত্রীৰে মত বিনিময়

নগাঁও,২০ ফেব্ৰুৱাৰীঃ মঙলবাৰে অসম আৰক্ষী সঞ্চালক প্ৰধান কুলধৰ শইকীয়াক দেখা গ'ল সাহিত্য চৰ্চাত। নগাঁও ছোৱালী মহাবিদ্যালয়ত অনুষ্ঠিত এক মত বিনিময় অনুষ্ঠানত অংশগ্ৰহণ কৰে সঞ্চালক প্ৰধানগৰাকীয়ে ।

এই অনুষ্ঠানত কুলধৰ শইকীয়াই নগাঁৱৰ বহুকেইগৰাকী সাহিত্যিক, শিক্ষক আৰু ছাত্ৰ ছাত্ৰীৰ সৈতে মত বিনিময় কৰি তেওঁৰ ব্যক্তিগত সাহিত্যিক জীৱনৰ কথা ব্যক্ত কৰে। ইপিনে ব্যস্ততাৰ মাজতো এখন নতুন কিতাপ লিখাৰ কথাও উল্লেখ কৰে অসম আৰক্ষী সঞ্চালক প্ৰধান কুলধৰ শইকীয়াই।

উল্লেখ্য যে নগাঁও ছোৱালী মহাবিদ্যালয়ত অনুষ্ঠিত হোৱা এই অনুষ্ঠানত মহাবিদ্যালয়খনৰ অধ্যাপক-অধ্যাপিকাৰ লগতে ছাত্ৰ-ছাত্ৰী আৰু বহুকেইজন সাহিত্যিকো উপস্থিত থাকে ।