দক্ষিণ কলাডুবাত চিপ লোৱা অৱস্থাত উদ্ধাৰ মৃতদেহ

সোমবাৰে পুৱাৰ ভাগত গছত চিপ লৈ থকা অৱস্থাত দক্ষিণ কলাডুবা গাঁৱত উদ্ধাৰ হৈছে এজন লোকৰ মৃতদেহ ৷ মৃত ব্যক্তিজন দক্ষিণ কলাডুবা গাঁৱৰ আলী আহমেদ বুলি জানিব পৰা গৈছে । কোনো দুৰ্বৃত্তই লোকজনক হত্যা কৰি গছত ওলমাই থোৱা বুলি সন্দেহ প্ৰকাশ কৰিছে পৰিয়ালৰ লোকে ।

ৰূপহীহাট, 14 জুন : দক্ষিণ কলাডুবা গাঁৱত গছত ওলমি থকা অৱস্থাত উদ্ধাৰ এটা মৃতদেহক লৈ ৰাইজৰ মাজত তীব্ৰ চাঞ্চল্যৰ সৃষ্টি হৈছে ৷ ৰূপহীহাটৰ জুৰীয়া আৰক্ষী থানাৰ অন্তৰ্গত দক্ষিণ কলাডুবা গাঁৱত সংঘটিত হৈছে এই ঘটনা ৷

সোমবাৰে পুৱাৰ ভাগত গছত চিপ লৈ থকা অৱস্থাত স্থানীয় ৰাইজে প্ৰত্যক্ষ কৰে মৃতদেহটো । মৃত ব্যক্তিজন দক্ষিণ কলাডুবা গাঁৱৰ আলী আহমেদ বুলি জানিব পৰা গৈছে ।

কোনো দুৰ্বৃত্তই লোকজনক হত্যা কৰি গছত ওলমাই থৈ যোৱা বুলি সন্দেহ প্ৰকাশ কৰিছে পৰিয়ালৰ লোকে । আনহাতে, স্থানীয় ৰাইজেও এই ঘটনাক এক পৰিকল্পিত হত্যাকাণ্ড বুলি সন্দেহ প্ৰকাশ কৰিছে ৷

ঘটনাস্থলীত জুৰীয়া আৰক্ষীৰ লগতে ডুমডুমীয়া আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাঁৱলৈ প্ৰেৰণ কৰিছে ৷ আৰক্ষীয়েও আৰম্ভ কৰিছে তদন্ত ৷ আৰক্ষীৰ তদন্তৰ অন্ততহে পোহৰলৈ আহিব এইয়া আত্মহত্যা নে পৰিকল্পিত হত্যাকাণ্ড ।

লগতে পঢ়ক: উদালী কাণ্ডৰ লগত জড়িত দুজন অভিযুক্তক গ্ৰেপ্তাৰ